इचलकरंजी शहरातील पाणीपुरवठा तात्पुरता विस्कळीत; गळती दुरुस्त करण्याचे काम सुरू

इचलकरंजी शहरातील पाणीपुरवठा तात्पुरता विस्कळीत; गळती दुरुस्त करण्याचे काम सुरू

इचलकरंजी –

शहरास पाणीपुरवठा करणाऱ्या कृष्णा पाणीपुरवठा योजनेतील जुनी पाण्याच्या दाबनलिकेमध्ये आज मंगळवार, १८ नोव्हेंबर २०२५ रोजी मजरेवाडी जॅकवेलजवळ गळती आढळल्यामुळे शहरातील पाणीपुरवठा दुपारी ४ वाजल्यापासून तात्पुरता बंद करण्यात आला आहे.

महानगरपालिका प्रशासनाने तातडीने गळती काढण्याचे काम हाती घेतले असून, बुधवार, १९ नोव्हेंबर रोजी सायंकाळपर्यंत काम पूर्ण होण्याची अपेक्षा आहे. या कालावधीत शहरवासीयांना अपुरा पाणी पुरवठा होण्याची शक्यता असून, नागरिकांनी उपलब्ध पाणी जपून वापरण्याचे आवाहन केले आहे.

महानगरपालिका आयुक्त व प्रशासक पल्लवी पाटील यांनी नागरिकांना सहकार्य करण्याचे आवाहन केले आहे.