तारदाळ येथे मतदान केंद्राबाहेर दमदाटी व धमकी; शहापूर पोलीस ठाण्यात गुन्हा दाखल

इचलकरंजी :

 शहापूर पोलीस ठाण्यात फिर्यादी विनोद दत्तात्रय कोराणे (वय ४१, व्यवसाय–व्यापार, रा. हनुमान नगर, तारदाळ, ता. हातकणंगले, जि. कोल्हापूर) यांनी दिलेल्या तक्रारीनुसार, त्यांची पत्नी सौ. दिपाली विनोद कोराणे या कोरोची मतदारसंघातून जिल्हा परिषद निवडणूक २०२५-२६ साठी महाविकास आघाडीकडून उमेदवार आहेत.

७ फेब्रुवारी रोजी दुपारी जी. के. नगर, तारदाळ येथील अंगणवाडीतील बूथ क्र.१३ बाहेरच्या मैदानात मतदान केंद्रावरील यंत्रणेबाबत विचारणा करण्यासाठी फिर्यादी व त्यांच्या पत्नी गेले असता, आरोपी राहुल ढवळे (रा. तारदाळ नाका), रणजित माने (रा. जी. के. नगर, तारदाळ), अमोल माळी (रा. रामनगर, तारदाळ) तसेच इतर १० ते १५ अनोळखी इसमांनी दमदाटी केली. यावेळी आरोपींनी फिर्यादी व त्यांच्या मुलास शिवीगाळ करून जीवे ठार मारण्याची धमकी दिल्याचे तक्रारीत नमूद आहे.

या घटनेबाबत शहापूर पोलिसात गुन्हा दाखल करण्यात आला असून, दाखल अधिकारी पो.हे.कॉ खोत आहेत. प्रकरणाचा तपास पो.हे.कॉ.कोष्टी करीत आहेत.