इमनपात एकल महिला दिन साजरा

इचलकरंजी:

आंतरराष्ट्रीय विधवा दिन आणि इचलकरंजी महानगरपालिका वर्धापन दिनानिमित्त महानगरपालिकेच्या महिला व बालकल्याण विभागातर्फे मंगळवारी महानगरपालिका सभागृहात ‘एकल महिला दिन’ साजरा करण्यात आला. महात्मा ज्योतिराव फुले यांच्या २०० व्या जयंती वर्षानिमित्त महापौर उदय धातुंडे व आयुक्त पल्लवी पाटील यांच्या हस्ते प्रतिमापूजन करण्यात आले.

कार्यक्रमात महात्मा फुले यांनी विधवा महिलांच्या सक्षमीकरणासाठी केलेल्या कार्याचा आढावा घेण्यात आला. स्त्री शिक्षण, सामाजिक प्रतिष्ठा, पुनर्विवाह आणि समानतेच्या विचारांचा वारसा आजही प्रेरणादायी असल्याचे आयुक्त पल्लवी पाटील यांनी सांगितले.

प्राचार्य डॉ. डी. वाय. जमादार यांनी समुपदेशनपर मार्गदर्शन केले, तर एम. एम. माने यांनी शासनाच्या विविध कल्याणकारी योजनांची माहिती दिली. कार्यक्रमास पदाधिकारी, अधिकारी, कर्मचारी, अंगणवाडी सेविका व एकल महिला मोठ्या संख्येने उपस्थित होत्या.

मार्गदर्शन करताना आयुक्त पल्लवी पाटील, अति आयुक्त सुषमा शिंदे,महापौर उदय धातूंडे