इचलकरंजी महानगरपालिका स्तरीय बुद्धिबळ स्पर्धेचे उद्घाटन संपन्न
इचलकरंजी
सन २०२४-२५ या वर्षातील शालेय शासकीय जिल्हास्तर महानगरपालिका स्पर्धेची सुरुवात बुद्धिबळ स्पर्धेपासून झाली.
व्यंकटराव हायस्कूल जुनियर कॉलेज येथे आजपासून १४, १७ व १९ या वयोगटातील मुला- मुलींच्या बुद्धिबळ स्पर्धांना सुरुवात झाली.
या स्पर्धेचा शुभारंभ इचलकरंजी महानगरपालिकेचे प्रशासक तथा आयुक्त ओमप्रकाश दिवटे यांच्या हस्ते झाले.
याप्रसंगी उपायुक्त प्रसाद काटकर , उपायुक्त सोमनाथ आढाव मनपा क्रीडा अधिकारी सूर्यकांत शेटे , इचलकरंजी एज्युकेशन सोसायटीचे अध्यक्ष डॉ. ढवळे, उपाध्यक्ष नवाल, सचिव श्री मराठे , कार्यकारणी सदस्य श्री पाटील सर, प्रणव साठे साहेब, मुख्याध्यापक श्री. खोत सर, उपमुख्याध्यापिका सौ कांबळे मॅडम, पर्यवेक्षक श्री खराडे सर, शाहू हायस्कूलचे मुख्याध्यापक श्री शंकर पोवार सर , श्री शहा सर, राहुल कुलकर्णी सर, क्रीडा पर्यवेक्षक सचिन खोंद्रे, आकाश माने, गुरव सर, माळी सर, अमीत कुंडले सर यांचेसह सर्व शाळांचे कीडाशिक्षक, मार्गदर्शक उपस्थित होते.
आयुक्त तथा प्रशासक ओमप्रकाश दिवटे यांनी इचलकरंजी शहरातील खेळाडू भविष्यामध्ये ऑलम्पिक, देश व राज्यात स्पर्धेत सहभागी होतील आणि यश संपादन करतील त्यासाठी इचलकरंजी महापालिका स्तरावरून आवश्यक ते प्रयत्न करण्यात येतील. कार्यक्रमाचे सुत्रसंचालन क्रीडा समन्वयक श्री बरगाले सर यांनी केले तर आभार कार्याध्यक्ष सौ कुंडले मॅडम यांनी केले. स्पर्धेत विविध शाळेतील २५० हून अधिक खेळाडू सहभागी झाले.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
