आ.प्रकाश आवाडेंचा राहुल आवाडेंसह अमित शहांच्या उपस्थितीत भाजप प्रवेश.

इचलकरंजी

पश्चिम महाराष्ट्रातील भाजपचा कार्यकर्ता मेळावा सैनिक दरबार हॉल, कोल्हापूर येथे संपन्न झाला. या मेळाव्यात इचलकरंजी विधानसभा मतदार संघातील ताराराणी पक्षाचे आमदार प्रकाशआण्णा आवाडे व मा. जिल्हा परिषद सदस्य डॉ. राहुल आवाडे यांनी आज भारताचे केंद्रीय गृह व सहकार मंत्री मा. अमितजी शहा, महाराष्ट्र राज्याचे उपमुख्यमंत्री देवेंद्रजी फडणवीस, उच्च व तंत्र शिक्षण मंत्री चंद्रकांत दादा पाटील, भाजपा महाराष्ट्र प्रदेशाध्यक्ष मा. चंद्रशेखर बावनकुळे, महाराष्ट्र भाजपा निवडणूक प्रभारी भूपेंद्रजी यादव यांच्या प्रमुख उपस्थितीमध्ये भारतीय जनता पार्टी मध्ये जाहीर प्रवेश केला.

याप्रसंगी आमदार प्रकाश आवाडे व मा. जिल्हा परिषद सदस्य डॉ. राहुल आवाडे यांनी आपल्या समर्थकांना आणि कार्यकर्त्यांना एकत्र येऊन देशहितासाठी आणि जनहितासाठी कार्य करण्याचे असे आवाहन केले. पक्षप्रवेशामुळे भारतीय जनता पार्टी मध्ये मोठ्या प्रमाणात बळकटी येणार आहे आणि आगामी निवडणुकांमध्ये याचा प्रभावी परिणाम दिसून येईल.माजी आमदार सुरेश हाळवणकर यांनी स्वतः आ.आवाडे व राहुल आवाडे यांना स्टेजवर नेत पक्षप्रवेश केला.

यावेळी केंद्रीय मंत्री मुरलीधर मोहोळ, माजी केंद्रीय मंत्री रावसाहेब दानवे, खासदार धनंजय महाडिक, महाराष्ट्राचे कामगार मंत्री सुरेश खाडे, सौ. मोश्मी आवाडे,भाजपा प्रदेश उपाध्यक्ष सुरेश हाळवणकर यांच्यासह भाजपचे प्रमुख पदाधिकारी कार्यकर्ते मोठ्या संख्येने उपस्थित होते.