‘स्वच्छता ही सेवा’ २०२४ या अभियाना अंतर्गत विविध कार्यक्रम उत्साहात संपन्न

इचलकरंजी

       शासन निर्देशानुसार संपूर्ण देशात ‘स्वच्छता ही सेवा’ २०२४ अभियान मोठ्या प्रमाणात राबविणेत येत आहे.

        या अभियानाच्या अनुषंगाने दि.१७ सप्टेंबर ते २ ऑक्टोबर या कालावधीत स्वच्छता पंधरवडा साजरा करणेत येत आहे. या पंधरवड्यात विविध उपक्रम राबविणेत येत आहेत.

          यामध्ये प्रामुख्याने  शासन निर्देशानुसार महानगरपालिका आरोग्य विभागा कडील सफाई कर्मचारी यांचे साठी  इचलकरंजी महानगरपालिका आणि अलायन्स हॉस्पिटल यांच्या संयुक्त विद्यमाने ‘सफाई मित्र सुरक्षा शिबिर’ आयोजित करणेत आले होते. या शिबिरात झोन निहाय सफाई कर्मचाऱ्यांची आरोग्य तपासणी तसेच आवश्यकते नुसार शासकीय योजनांचा लाभ देणे, पी.पी.ई. किट वाटप इत्यादी सुविधा उपलब्ध करून देणेत आलेल्या आहेत.

       त्याचबरोबर बुधवार दि.२५ सप्टेंबर रोजी श्रीमंत नारायणराव घोरपडे नाट्यगृह येथे सांस्कृतिक कार्यक्रमात  महिलांच्या साठी गीत गायन स्पर्धेचे आयोजन करणेत आलेले होते. स्पर्धेचा शुभारंभ उपायुक्त स्मृती पाटील यांच्या हस्ते करणेत आला

            आजच्या गीत गायन स्पर्धेमध्ये वैयक्तिक प्रकारात केतकी धों. पाटील यांनी प्रथम क्रमांक, कांचन माला भाट यांनी  द्वितीय क्रमांक तर विना रावळ यांनी तृतीय क्रमांक मिळविला.

   त्याचबरोबर समुह गीत गायन स्पर्धेमध्ये रंजना दिवटनकर आणि गृप यांनी प्रथम क्रमांक, तुळजाभवानी भजनी मंडळ यांनी द्वितीय क्रमांक तर रविंद्रनाथ टागोर विद्यानिकेतन शाळा क्रमांक २७ यांनी तृतीय क्रमांक मिळविला.

          विजेत्या स्पर्धकांचा मान्यवरांच्या हस्ते प्रमाणपत्र देवुन सत्कार करण्यात आला.

 या प्रसंगी सहा.कर संकलन मुल्य

निर्धारण अधिकारी अरिफा नुलकर, कार्यालय अधीक्षक प्रियांका बनसोडे, महिला बाल कल्याण अधिकारी सिमा धुमाळ, ग्रंथपाल बेबी नदाफ, खरेदी पर्यवेक्षक शितल पाटील, विधी अधिकारी खदिजा सनदी, सुजाता दाभोळे यांचेसह विविध सामाजिक स्वयंसेवी संस्थांच्या महिला तसेच विविध शाळेतील विद्यार्थीनी मोठ्या संख्येने उपस्थित होत्या.