इचलकरंजीत रविवारी खासदार सुप्रिया सुळे यांच्या उपस्थितीत महिला मेळावा
इचलकरंजी : महाविकास आघाडीचे उमेदवार मदन कारंडे यांच्या समर्थनार्थ खासदार सुप्रियाताई सुळे यांच्या उपस्थितीत महिला मेळाव्याचे आयोजन येथील काँग्रेस कमिटी येथे उद्या रविवार सायंकाळी सहा वाजता करण्यात आले आहे. यासंदर्भातील बैठक आज शनिवारी काँग्रेस कमिटी मध्ये पार पडली. हा मेळावा यशस्वी करण्यासाठी महिलांना आवाहन करण्याचे काँग्रेस कमिटी मध्ये झालेल्या बैठकीत ठरविण्यात आले.
कारंडे यांना आजी-माजी नगरसेवक, विविध पक्षाचे पदाधिकारी, संघटना यांचा पाठींबा वाढत आहे. त्याचबरोबर महिला वर्गातून कारंडे यांच्या उमेदवारी बाबत उत्सुकता आहे. याच पार्श्वभूमीवर महिलांशी संवाद साधण्याकरिता राष्ट्रवादी काँग्रेस शरदचंद्र पवार गटाच्या खासदार सुप्रियाताई सुळे काँग्रेस कमिटी येथे येणार आहेत. यावेळी त्या उपस्थित महिलांना संबोधित करून महाविकास आघाडीशी महिलांविषयी धोरणे, महिलांच्या प्रगती विषयी असणारे महाविकास आघाडीचे व्हिजन याबाबत चर्चा करणार आहेत.
तरी या मेळाव्यास महिलांनी उपस्थित रहावे, असे आवाहन महाविकास आघाडीच्या वतीने करण्यात आले आहे. यावेळी उमेदवार मदन कारंडे, हिंदुराव शेळके, काँग्रेसचे संजय कांबळे, राहुल खंजिरे,मँचेस्टर आघाडीचे सागर चाळके,शिवसेना उद्धव ठाकरे गटाचे सयाजी चव्हाण,आण्णा शेट्टी,माजी नगरसेवक रणजित जाधव,उदयसिंग पाटील,प्रताप होगाडे,बंडा मुसळे अब्राहम आवळे,माजी जिल्हा परिषद सदस्य देवानंद कांबळे , यांच्यासह महाविकास आघाडीचे पदाधिकारी व कार्यकर्ते मोठ्या संख्येने उपस्थित होते.
खासदार सुप्रियाताई सुळे यांच्या आगमनाची उत्सुकता
याआधी महाराष्ट्रातील अनेक ठिकाणी खासदार सुळे यांनी विविध महिलांशी संवाद, महिला उद्योजक त्यांच्या प्रत्यक्ष ठिकाणी जाऊन विचारपूस करून उपक्रम राबवले आहेत. अशाच पद्धतीने इचलकरंजीतही ते उपक्रम राबवतात का याबाबत उत्सुकता आहे.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
