नृत्यदर्पण कला अकादमीचा सांस्कृतिक कार्यक्रम उत्साहात संपन्न.

इचलकरंजी

     गुरुपौर्णिमेनिमित्त नृत्यदर्पण कला अकादमी आयोजित ‘नृत्यसंध्या’ हा कार्यक्रम ४ ऑगस्ट रोजी आपटे वाचन मंदिर येथे उत्साहात संपन्न झाला. कार्यक्रमास रसिकांचा उत्स्फूर्त प्रतिसाद मिळाला.

      यासाठी प्रमुख पाहुणे म्हणून कथ्थक नृत्य अलंकार सौ. सायलीताई होगाडे व कथ्थक विशारद सौ. प्रीतीताई कट्टी यांची उपस्थिती लाभली. कार्यक्रमाची सुरुवात ही दीप प्रज्वलन व गुरुवंदनेने झाली. विविध वयोगटातील मुली व महिला विद्यार्थिनींनी कथ्थक नृत्यातील ताल – त्रिताल,झपताल, छोटी सवारी तसेच शास्त्रीय व निमशास्त्रीय गाण्यावर तालबद्ध सादरीकरण केले.

      कार्यक्रमाची पढन्त – संस्थापिका सौ. सायली चोथे – अग्रवाल, हार्मोनिअम – श्री. श्रीधर पाटील सर, तबला – राजू पाटील सर यांची साथसंगत मिळाली, सूत्रसंचालन डॉ. सौ. तेजश्री कुंभार यांनी केले.