अल्पवयीन मुलीविरुद्ध अनुचित वर्तन प्रकरणी शहापुर पोलिसांत गुन्हा दाखल:

इचलकरंजी

शहापुर पोलीस ठाण्यात एका अल्पवयीन मुलीसोबत अनुचित वर्तन केल्याप्रकरणी गुन्हा दाखल करण्यात आला आहे. या प्रकरणी आरोपी बाबासाहेब बाणदार (रा. तोरणानगर सहारा निवारा कॉलनी, शहापुर, ता. हातकणंगले) याच्याविरुद्ध पोक्सो तसेच अनुसूचित जाती-जमाती अत्याचार प्रतिबंधक कायद्यानुसार गुन्हा नोंदवण्यात आला आहे.शहापूर येथील तोरणानगर सहारा निवारा कॉलनीत आरोपीने दुकानात बोलावले आणि अनुचित वर्तन केले, असे फिर्यादीत नमूद आहे. फिर्यादींनी मुलीला विश्वासात घेऊन हकीगत जाणून घेतल्यानंतर २२ नोव्हेंबर २०२५ रोजी रात्री १०.४१ वाजता पोलीस ठाण्यात तक्रार दाखल केली.

या प्रकरणात गुन्हा दाखल करणाऱ्या महिला पोलीस कॉन्स्टेबल साबळे यांनी प्राथमिक कारवाई केली असून, तपास उपविभागीय पोलीस अधिकारी, इचलकरंजी विभाग यांच्याकडे सोपवण्यात आला आहे. पोलिसांनी या प्रकरणाची गांभीर्याने दखल घेतली असून, पुढील तपास सुरू आहे.