डीकेटीईच्या आठ विद्यार्थ्यांची वेलस्पन कंपनीत निवड
इचलकरंजी :
येथील डिकेटीईच्या टेक्स्टाईल डिप्लोमा विभागातील पाच व बी.टेक. टेक्स्टाईल विभागातील तीन अशा एकूण आठ विद्यार्थ्यांची देशातील अग्रगण्य व जागतिक स्तरावर नावाजलेल्या वेलस्पन कंपनीमध्ये आकर्षक पॅकेजवर निवड झाली आहे. विद्यार्थ्यांच्या या यशामुळे डीकेटीईच्या उत्कृष्ट शैक्षणिक व प्लेसमेंट परंपरेला पुन्हा अधोरेखित करण्यात आले आहे.
वेलस्पन कंपनीच्या वापी, अंजार व हैदराबाद येथील अत्याधुनिक उत्पादन युनिटसाठी विद्यार्थ्यांची निवड करण्यात आली. टेरी टॉवेल्स, शीटिंग फॅब्रिक्स, नॉनवोव्हन फॅब्रिक्स व फ्लोअरिंग मटेरियल उत्पादन क्षेत्रात आघाडीवर असलेली वेलस्पन कंपनी दरवर्षी डीकेटीई कॅम्पसला भेट देऊन विद्यार्थ्यांची निवड करते.
यावर्षी कंपनीने लेखी परीक्षा, गटचर्चा व वैयक्तिक मुलाखतीद्वारे विद्यार्थ्यांची तांत्रिक गुणवत्ता, संवाद कौशल्य व उद्योगाभिमुख दृष्टीकोन तपासून अंतिम निवड केली.
डिप्लोमा विभागातून सोहम सुळ, आझाद जमादार, पार्थ खाडे, अजयकुमार उपासे व श्रुतिका पाटील, तर बी.टेक. टेक्स्टाईलमधून सानिका पाटील, विनंती चव्हाण व सायली खैरनार यांची निवड झाली.
निवड झालेल्या विद्यार्थ्यांचे संस्थेचे अध्यक्ष कल्लाप्पांणा आवाडे, माजी मंत्री प्रकाश आवाडे, मानद सचिव डॉ. सपना आवाडे, कार्यकारी संचालक रवी आवाडे व सर्व पदाधिकाऱ्यांनी अभिनंदन केले. विद्यार्थ्यांना संचालिका प्रा. डॉ. एल. एस. आडमुठे, उपसंचालक प्रा. डॉ. यू. जे. पाटील व प्रशिक्षण व प्लेसमेंट अधिकारी प्रा. एस. बी. अकिवाटे यांचे मार्गदर्शन लाभले.
निवड झालेले विद्यार्थी सोबत रवी आवाडे व शिक्षक
