यंत्रमागधारकांना जाहीर सवलतीची अंमलबजावणी करण्याचे उपमुख्यमंत्री अजित पवारांना निवेदन.
इचलकरंजी.
साधे व २७ अश्वशक्ती वरील यंत्रमागधारकांसाठी जाहीर विजसवलतीची तातडीने अंमलबजावणी करण्यासाठी आज सर्व यंत्रमागधारक संघटना मार्फत विनय महाजन यांच्या नेतृत्वाखाली निवेदन देण्यात आले.
दि. १५ मार्च २०२४ रोजी यंत्रमागधारकांच्या वीज सवलतीच्या शासन निर्णयामध्ये ऑनलाईन नोंदणीची अट रद्द करून नविन शासन निर्णय काढून त्याची अंमलबजावणी सुरू करणेत यावी.
आपण आपल्या मार्च २०२० च्या अर्थसंकल्पीय भाषणामध्ये २७ एच.पी. वरील यंत्रमागधारकांना अतिरिक्त ७५ पैशांची सवलत देणेत येईल अशी घोषणा केली. पण याची अंमलबजावणी न झालेने पुन्हा १६ मार्च २०२१ इ. रोजी आपल्या अध्यक्षतेखाली व्यापक बैठक होऊन या बैठकीमध्ये पुन्हा एकदा २७ एच.पी. वरील यंत्रमागधारकांना ७५ पैशांची सवलत देणेत यावी असा निर्णय घेणेत आलेला होता. तसे आदेशही देणेत आलेले होते. पण त्याचीही अंमलबजावणी झालेली नाही.
राज्याचे मुख्यमंत्री मा.ना. एकनाथजी शिंदे यांनी इचलकरंजी जवळील कोरोची या ठिकाणी झालेल्या महिला मेळाव्यामध्ये २७ एच.पी. खालील यंत्रमागधारकांच्या वीज दरात १ रूपये व २७ एच.पी. वरील यंत्रमागधारकांच्या वीज दरात ७५ पैशांची वीज सवलत देणेची घोषणा केली होती. त्याचा शासन निर्णय दि. १५/०३/२०२४ रोजी निर्गमीत झाला. पण त्यामध्ये ऑनलाईन रजिस्ट्रेशनची अट घालणेत आलेने त्याची अंमलबजावणी होऊ शकली नाही. यंत्रमागधारकांची वेगळी वीज वर्गवारी असल्यामुळे महावितरणकडे किंवा संबंधीत वीज कंपन्यांकडे यंत्रमागधारकांची नोंदणी उपलब्ध असल्याने वीज सवलतीसाठी नोंदणी करणेची अट आवश्यक नाही. तरी दि. १५ मार्च २०२४ रोजी झालेल्या शासन निर्णयामधील नोंदणी अटीची तरतूद काढून नविन शासन निर्णय येणाऱ्या कॅबिनेटच्या बैठकिमध्ये मंजूर करून घेणेत यावा. व याची अंमलबजावणी दि. १६ मार्च २०२४ पासून करणेत यावी. जेणेकरून महाराष्ट्र विधानसभेच्या येणाऱ्या निवडणूकीच्या आचारसंहितेपूर्वी या निर्णयाची प्रत्यक्ष अंमलबजावणी होऊन महाराष्ट्रातील यंत्रमागधारकांना त्याचा लाभ मिळेल अशी मागणी निवेदनात करण्यात आली.यावेळी उपमुख्यमंत्री व पालकमंत्री यांनी यावर येत्या कॅबिनेट मध्ये यावर निर्णय घेण्यात येईल असे आश्वासन दिले.
यावेळी राजगोंडा पाटील,विनय महाजन,चंद्रकांत पाटील,सागर चाळके,म्हाळसाकांत कवडे,राहुल खंजिरे,विश्वनाथ मेटे,गोरखनाथ सावंत उपस्थित होते.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
