धोकादायक बीम वाहतुकीचा अजून एक बळी,पोलिसांची फिर्याद घेण्यास ५ तास टाळाटाळ.हुपरी पोलिसांवर कारवाईची मागणी.

 हुपरी

इचलकरंजी शहरात व परिसरात धोकादायक बीम वाहतूक सुरू असून वाहतूक पोलिसांकडून कारवाईचा फार्सच केला जात असल्याबाबत नाहरिक संतप्त झाले आहेत.इचलकरंजी शहरात धोकादायक बीम वाहतूकला बंदी घातली असताना अवैधरित्या बीम वाहतूक सुरू आहे.याकडे वाहतूक पोलिसांचे दुर्लक्ष होत असून एखाद्याचा जीव गेल्यावरच वाहतूक पोलिसांना जाग येते..अशीच घटना रांगोळी -रेंदाळ रस्त्यावर घडली.ता.३ रोजी इचलकरंजी येथील धोकादायक बीम वाहतूक करणाऱ्या टेंपोने मोटरसायकलस्वारास जोराची धडक देऊन शिवनाकवाडीतील बापूसो सत्याप्पा खोत वय ३६ याचा हकनाक बळी गेला.एका गरीब कुटूंबाचा आधारवड हरपला असून याच्या मृत्यूस जबाबदार कोण ?वाहतूक पोलीस या बीम धारकांवर तत्परतेने कारवाई करत नाहीत?काल हुपरी पोलीस ठाण्याचा अजब कारभार शिवनाकवाडीकरांना अनुभवायास आला.हुपरी पोलीस ठाण्यात फिर्याद देण्यास गेलेल्या शिवनाकवाडी ग्रामस्थांना हुपरी पोलिसांनी सापत्नपणाची वागणूक हुपरी पोलिसांच्या कारभारावर प्रश्नचिन्ह उपस्थित करते.काही वेळात दाखल होणारी फिर्याद दाखल करून घेण्यास चालढकल करत चक्क ५ तास लावले.चालढकलीचे धोरण अवलंबून हुपरी पोलिसांनी शिवनाकवाडी ग्रामस्थांना वेठीस धरले..एखाद्या गरीबाला असा न्याय हुपरी पोलिसांकडून मिळत असेल तर सामान्य माणसाने न्याय कुणाकडे मागायचा?काल शिवनाकवाडीकरांना पोलिसांच्या कर्तबगारीचा नमुनाच पहावयास मिळाला..वरिष्ठ अधिकाऱ्यांनी याबाबत तातडीने कारवाई करून पोलिसांची प्रतिमा सुधारावी अशी  कळकळीची विनंती नागरिकांनी केली आहे,सुस्त बनत चाललेल्या हुपरी पोलिसांना वेळीच बंधन घालावे अन्यथा उरला सुरलेला पोलीसांवरील विश्वास तो ही नाहीसा होईल असेही नागरिकांनी प्रसिद्धीपत्रकाद्वारे कळवले आहे.