शॉपिंग सेंटर व्यापारी संकुलास स्व.रतन टाटा व्यापारी संकुल नाव द्यावे-सुभाष मालपाणी

इचलकरंजी:

शॉपिंग सेंटर व्यापारी संमुलास स्व.रतन टाटा यांचे नाव देण्याची मागणी सुभाष मालपाणी यांनी उपायुक्त प्रसाद काटकर यांच्याकडे निवेदनाद्वारे केली आहे.

देशाचे तत्कालीन महामहीम राष्ट्रपती डॉक्टर ए पी जे अब्दुल कलाम आणि देशाचे महान तपस्वी पंतप्रधान श्री नरेंद्रजी मोदी साहेब यांनी भारत देशाला जगामध्ये महासत्ता बनवण्याचे स्वप्न जाहीर केले होते. या नेत्याने भारताच्या राष्ट्र उभारणीमध्ये युवकांना तसेच महिलांना व तरुणींना तसेच ग्रामीण भागातील शेतकरी आणि इतर मागासलेल्या नागरिकांना त्यांच्या हाताला काम देऊन आणि वैज्ञानिक दृष्ट्या सक्षम करण्याच्या दृष्टीने प्रयत्न केले होते व तसे धोरण आपल्या देशाचे पंतप्रधान महोदय यांनी साकारले आहे या महान नेत्यांनी केलेल्या संकल्पास उद्योगपती स्वर्गीय रतनलाल टाटा यांनी कुठेही गाजावाजा न करता देशाच्या उन्नती करिता आपले बहुमूल्य वेळ देऊन देशाच्या औद्योगिक क्रांतीमध्ये फार मोठे योगदान दिलेले आहे त्यामुळे आज देशातील अनेक राज्यात टाटा उद्योग समूहाचे मोठे वर्चस्व निर्माण झालेले आहे अशा महान उद्योगपती आणि औद्योगिक क्रांतीचे जनक रतनलाल टाटा यांचे नुकतेच काही दिवसापूर्वी स्वर्गवास झाला आहे. स्वर्गीय रतनजी टाटा यांनी देशातील तरुणांना व महिलांना उद्योगाबाबत नवीन प्रेरणा व मार्गदर्शन दिलेले आहे त्यांची आठवण म्हणून इचलकरंजी शहरवासीयांच्या वतीने त्याना श्रद्धांजली म्हणून इचलकरंजी शहरातील मध्यवर्ती ठिकाणी असलेल्या इचलकरंजी महानगरपालिकेची मालकीची असलेले शॉपिंग सेंटर याला स्वर्गीय उद्योग रत्न रतनजी टाटा व्यापार संकुल (शॉपिंग सेंटर) असे नामांकन करून तसा नागरिक सोहळा महानगरपालिकेच्या वतीने आयोजित करून महापालिकेच्या व्यापारी संकुलास नामकरण करण्यात यावे असेही निवेदनात म्हंटले आहे.

यावेळी अशोक पाटणी,प्रेमसिंह चौहान उपस्थित होते.