इचलकरंजीत घरफोडी;४.३८ लाखांचा ऐवज चोरीला

इचलकरंजी

शहापूर पोलीस ठाण्याच्या हद्दीत श्रीकृष्णनगर, तारदाळ येथे २१ जानेवारी मंगळवारी संध्याकाळी ५ वाजल्यापासून ते बुधवारी सकाळच्या सुमारास घरफोडीचा प्रकार घडला. फिर्यादी यास्मीन रमजान पठाण (रा. श्रीकृष्णनगर, तारदाळ) यांच्या घरातून अज्ञात चोरट्याने सुमारे ४,३८,००० रुपयांचा मुद्देमाल अज्ञात चोरट्यानी लंपास केला आहे.यामध्ये सोन्याचे मोहनमाळ, बोरमाळ, नेकलेस, कानातील टॉप्स, बुगडी, रिंगा, व रोख रक्कम १ लाख रुपये यांचा समावेश आहे.याशिवाय लहान मुलांचे चांदीचे दागिनेही चोरीस गेले.

चोरट्याने घराच्या मुख्य दरवाजाचा कडीकोयंडा तोडून प्रवेश केला. यानंतर लोखंडी तिजोरी फोडून आत ठेवलेले दागिने आणि रोख रक्कम चोरून नेली. घरमालक व त्यांच्या कुटुंबीय कर्नाटकातील सदलगा येथे उरुसासाठी गेले असताना ही घटना घडली.या प्रकरणी फिर्यादी यांनी शहापूर पोलीस ठाण्यात तक्रार दाखल केली असून दाखल गुन्ह्याचा तपास पोलीस उपनिरीक्षक कुटे हे  करत आहेत.