पुढे बोलताना श्री. चौगुले यांनी, वास्तु निर्मिती करीत असताना जगभरात 38 टक्के पर्यंतचे प्रदूषण यातून निर्माण होते. त्यामुळेच आपली सगळ्यांची ही जबाबदारी वाढते. नद्या, गाव स्वच्छ ठेवणे, वास्तू निर्मिती करताना नैसर्गिक वातावरणाचा, नैसर्गिक स्त्रोतांचा वापर करणे आणि यातून जे तयार होते त्यास ग्रीन बिल्डिंग असे म्हणून याचे महत्त्व सर्वसामान्य मंडळींना पटवून देणे यावर अधिकाधिक भर देण्याची गरज व्यक्त केली. नैसर्गिक असमतोल जागतिक तापमान व रोगराईत होत असलेली वाढ या सगळ्यांचे मूळ प्रदूषण असून हे कमी करण्यासाठी ग्रीन बिल्डिंगची गरज भासते आहे. त्यासाठी आपण सगळे मिळून या मोठ्या कार्यासाठी हात मिळवणे गरजेचे वाटते, असे त्यांनी सांगितले.
प्रारंभी आर्किटेक्ट प्रमोद चौगुले यांच्या हस्ते दीपप्रज्वलन व आर्किटेक्ट चार्ल्स कोरिया यांच्या प्रतिमेचे पूजन करण्यात आले. स्वागत असोशिएशन ऑफ इंजिनिअर्स अँड आर्किटेक्ट इचलकरंजीचे प्रेसिडेंट राजेंद्र खंडेराजुरी यांनी केले. यावेळी सुरेख नियोजनाबद्दल अल्ट्राटेक सिमेंट डीलर नितीन धूत व घनश्याम सावलानी यांचा सत्कार करण्यात आला. यावेळी शितलराज सिंदखेडे यांनी अल्ट्राटेक सिमेंटच्या टेक्निकल प्रॉडक्ट व ग्रीन बिल्डिंग सर्टिफिकेट याची माहिती दिली.
यावेळी असोशिएशन ऑफ इंजिनिअर्स अँड आर्किटेक्ट इचलकरंजीचे सेक्रेटरी विकास नाईक, जॉ. सेक्रेटरी भरत केटकाळे, ट्रेझरर नितीन शेट्टी, विवेक सावंत, रवींद्र तोरस्कर, गिरीश मोकाशी, सुहास रुग्गे, प्रकाश मालवीय, अल्ट्राटेक सिमेंटचे हर्षल धुत, रोहित सावलानी, विभागीय तांत्रिक प्रबंधक कोल्हापूर सागर छांगाणी, चॅनेल रिलेशनशिप मॅनेजर कल्पक मेहता आदी मान्यवरांसह २०० पेक्षा अधिक सदस्य उपस्थित होते. आभार नितीन धूत यांनी मानले.
फोटो- आर्किटेक्ट प्रमोद चौगुले, उदय सावंत, अभय पिसे आणि सचिन बोरा यांचा सत्कार करताना शितलराज सिंदखेडे, अविनाश जेऊरकर, नितीन धूत, घनश्याम सावलानी, राजेंद्र खंडेराजुरी, विकास नाईक आदी
