आवाडे–आमराई सब स्टेशनमधून शेतीसाठी सकाळी वीजपुरवठा.

इचलकरंजी :

 इचलकरंजी शहरातील महावितरणच्या आवाडे व आमराई सब स्टेशनमधून परिसरातील शेतकऱ्यांना आता सकाळच्या सत्रात शेतीसाठी वीजपुरवठा करण्यात येणार आहे. यामुळे पिकांना पाणी देण्यासाठी शेतकऱ्यांना रात्रभर जागावे लागणार नाही. हा प्रश्न माजी मंत्री प्रकाश आवाडे व आमदार राहुल आवाडे यांच्या पाठपुराव्यामुळे मार्गी लागला आहे. यासाठी भाजप किसान मोर्चाने सातत्याने प्रयत्न केले होते. महावितरणकडून सकारात्मक प्रतिसाद मिळाल्याने शेतकरी वर्गातून समाधान व्यक्त होत आहे.