भरधाव मोटारसायकलमुळे अपघात; चार जखमी

इचलकरंजी :

कोरोची–हातकणंगले मुख्य रस्त्यावर चव्हाणवाडी परिसरात भरधाव व बेदरकार मोटारसायकल चालविल्याने झालेल्या अपघातात चार जण जखमी झाल्याची घटना घडली. याप्रकरणी शहापूर पोलीस ठाण्यात गुन्हा दाखल करण्यात आला आहे.

याबाबत फिर्यादी सुनिल राजाराम खराडे (वय ५९, रा. गोकुळ चौक, आय.जी.एम. हॉस्पिटलजवळ, इचलकरंजी) यांनी दिलेल्या फिर्यादीनुसार दुपारी ते मित्र व्यंकटेश संजय मिरगे यांच्यासोबत सुझुकी अ‍ॅक्सिस (MH09-FE-0203) वरून नरंदेकडे जात असताना आरोपी महेश मोहन कोकणुरे (रा. कोरोची) याने स्प्लेंडर (KA-28-HC-1346) ही मोटारसायकल रस्त्याच्या परिस्थितीकडे दुर्लक्ष करून भरधाव चालवून समोरून जोराची धडक दिली.

या अपघातात फिर्यादी, व्यंकटेश मिरगे, आरोपी महेश कोकणुरे व सुनिल अशोक पांडव (रा. हातकणंगले) असे चौघे जखमी झाले असून दोन्ही वाहनांचे नुकसान झाले आहे. जखमींवर इंदिरा गांधी सामान्य रुग्णालय, इचलकरंजी येथे उपचार सुरू आहेत. पुढील तपास पो.ना. वडगावे करत आहेत.