डी. के. ए. एस. सी. कॉलेजमध्ये ‘व्यवसाय आणि व्यवसायाचे नमुने’ (Business and Business Models) भित्तीपत्रिका स्पर्धेचे उद्घाटन
इचलकरंजी: डी. के. ए. एस. सी. कॉलेज, इचलकरंजी मध्ये कॉमर्स विभागांतर्गत ‘व्यवसाय आणि व्यवसायाचे नमुने’ (Business and Business Models) या विषयावरील भित्तीपत्रिका स्पर्धेचे उद्घाटन महाविद्यालयाचे प्राचार्य डॉ. एस. एम. मणेर यांच्या हस्ते झाले.
या स्पर्धेमध्ये एकूण १०७ विद्यार्थी २४ गट करून सहभागी झाले. विद्यार्ध्यांनी ‘व्यवसाय आणि व्यवसायाचे नमुने’ हा विषय भित्तीपत्रिकेच्या माध्यमातून उत्तम रित्या मांडला. प्राचार्य डॉ. एस. एम. मणेर यांनी विदयार्ध्यांच्या प्रयत्नांचे कौतुक करून अनेक उपलब्ध असलेल्या व्यवसाय क्षेत्रातील विविध संधीं आणि नावाजलेल्या उद्योग संस्था तसेच उद्योजक या विषयावर केलेल्या विविध भित्तीपत्रिकेच्या माहितीचा वापर करावा यासाठी विद्यार्थ्यांना प्रोत्सहीत केले.
कॉमर्स विभागाचे प्रमुख प्रा. व्ही. पी. पाटील यांनी स्पर्धेचा उद्देश स्पष्ट केला. कार्यक्रमाच्या समन्वयक प्रा. पूजा पारिशवाड आणि विद्यार्थिनी अमृता मांगलेकर यांनी प्रस्तावना केली. विद्यार्थिनी गायत्री मोरे हिने आभार मानले. माझिरा मुजावर हिने सूत्रसंचालन केले. सकाळ सत्राचे प्र. प्रा. डॉ. डी. सी. कांबळे, इंग्रजी विभागाच्या प्रमुख प्रा. डॉ. वेल्हाळ, मराठी विभागाचे प्रमुख प्रा. डॉ. जाधव, कॉमर्स विभागाचे प्रा. डॉ. आर. एस. रोड्रीक्स, प्रा. कल्पना जाधव, प्रा. प्रथमेश गवळी, प्रा.कोमल कोळी तसेच प्रा. अर्चना नंदगावे, प्रा. रोहित शिंगे आणि मोठ्या संखेत विद्यार्थी उपस्थित होते.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
