महिला अत्याचाराच्या घटनेचा इंदिरा गांधी सामान्य रुग्णालयाकडून निषेध

महिला अत्याचाराच्या घटनेचा इंदिरा गांधी सामान्य रुग्णालयाकडून निषेध

कोलकत्ता येथे झालेल्या महिला डॉक्टर यांचेवरील अत्याचार व हत्या तसेच उत्तराखंड येथील एका परिचारीकेवरील अत्याचार व हत्या तसेच रत्नागिरी येथील एका परिचारिकेवर झालेला अत्याचार व महाराष्ट्रातील बदलापूर व कोल्हापूर येथील शिये येथील बालकांच्या वरील लैंगिक अत्याचार व हत्या या अमानुष क्रूर घटना ह्या माणुसकीला काळिमा फासून समाजात तीव्र असंतोष निर्माण करीत आहेत त्यामुळे रुग्णांची तळमळतेने सेवा करणाऱ्या व कोव्हिड काळात असंख्य रुग्णांना सेवा देत प्राण वाचविलेल्या या कोव्हिड योध्यांवर अत्याचार करून त्यांचेच जीव घेतले जात आहेत हे दुर्दैवी आहे. बालकांचे होणारे लैंगिक शोषण व स्त्रियांच्या वरील अत्याचार व महिला डॉक्टर्स व परिचारिकांवरील अत्याचार व हल्ले यापासून बचाव करण्यासाठी काही खास उपाय योजना करण्यात येणे आवश्यक आहे व त्या तत्काळ कराव्यात जेणेकरून आपल्या बहिणी व मुले सुरक्षित राहतील व निर्भीड वातावरणात सुरक्षित राहतील यासाठी शासन स्तरावून आवश्यक ती कार्यवाही करण्यात यावी व झालेल्या सर्व घटनांचा निषेध करण्यासाठी आज बुधवार दिनांक २८/८/२०२४ रोजी सकाळी इंदिरा गांधी सामान्य रुग्णालय,इचलकरंजी येथे रुग्णालयातील सर्व शासकीय वैद्यकीय अधिकारी आणि सर्व परिसेविका,परिचारिका व आरोग्य कर्मचारी यांनी एकत्र येऊन निषेध नोंदवला.