मुख्य सचिवांच्या आदेशची ४८ दिवसांनी अंमलबजावणी.इमनपा विशेष पथकामार्फत शहरातील तीन मांजा विक्रेत्यांवर जप्तीची जुजबी कारवाई
इचलकरंजी
मा.राष्ट्रीय हरित लवाद न्यायाधिकरण, दिल्ली येथे दाखल मुळ याचिका क्र.३८४ /२०१६ आणि ४४२/२०१६ च्या अनुषंगाने मा. राष्ट्रीय हरित न्यायाधिकरण यांनी “पतंग उडवण्यासाठी वापरण्यात येणारे सिंथेटिक मांझा/नायलॉन धागा आणि इतर तत्सम सिंथेटिक धागे यांचे उत्पादन, विक्री, साठवणूक, खरेदी आणि वापर करण्यास मनाई करण्याबाबत दिनांक ११.०७.२०१७ रोजी आदेश दिले आहेत. सदर आदेशाच्या कार्यपालनाबाबत मा. मुख्य सचिव महोदयांनी दिनांक २९ नोव्हेंबर २०२४ रोजीच्या पत्रान्वये निर्देश दिले आहेत.या अनुषंगाने अतिरिक्त आयुक्त सुषमा शिंदे यांनी याकामी विशेष पथक स्थापन करुन शहरातील विविध ठिकाणी भेट देऊन नायलॉन मांजा, सिंथेटिक धागा अशा वस्तूंची विक्री होत असल्याचे निदर्शनास आलेस कारवाई करणेचे आदेश दिले होते.
या आदेशानुसार आज शुक्रवार दि.१७ जानेवारी रोजी शहरातील ‘ए’ झोनमध्ये मुख्य स्वच्छता निरीक्षक रफिक पेंढारी यांच्या नेतृत्वाखालील पथकाने तपासणी
केली असता १) कोहिनुर सायकल कंपनी, झेंडा चौक
२) पटवेगार प्लॅस्टिक आणि जनरल स्टोअर्स, झेंडा चौक आणि ३) सेंफअली पतंग सेंटर,लायकर गल्ली या विक्रेत्यांच्या दुकानात नायलॉन मांजा आढळून आलेने
सदर साहित्य जप्त करण्यात आलेले असुन सदर विक्रेत्यांना महानगरपालिका पथकाकडून यापुढे नायलॉन मांजा अथवा सिंथेटिक धागा अशा वस्तू आढळून आल्यास दंडात्मक कारवाई करणे बाबतच्या सक्त सूचना देण्यात आल्या आहेत. आजच्या कारवाई मध्ये स्वच्छता निरीक्षक सचिन भुते,प्रभारी स्वच्छता निरीक्षक ओंकार शेटे,हर्षद कांबळे आणि ओंकार पोवार यांचा सहभाग होता.
दीड महिन्यांनी पथकाची स्थापना,हंगाम संपल्यावर कारवाई.
मुख्य सचिवांनी २९ नोव्हेंबर रोजी आदेश दिले,मकर संक्रांतीपर्यत पतंगाचा हंगाम असतो,त्यानुसार लगेच
तातडीने पथक स्थापन व्हायला पाहिजे होते मात्र हंगाम संपल्यावर ४८ दिवसांनी पथक स्थापन व नंतर जुजबी कारवाई झाली या महापालिकेच्या भुमिकेची शहरभर चर्चा रंगली होती.
तक्रारी प्राप्त झाल्यावर पथक स्थापन,पुढील वर्षी दक्षता घेऊ-अति आयुक्त शिंदे
यावर्षी तक्रारी प्राप्त झाल्यानंतर वरिष्ठ पातळीवर कारवाई कोणी करायची याबाबत खातरजमा करून पथक स्थापन केले आहे,पुढील वर्षी याबाबत आगोदर उपाययोजना केल्या जातील अशी माहिती अति आयुक्त सुषमा शिंदे यांनी आमच्या प्रतिनिधींशी बोलताना दिली.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
