महिलेची नैराश्यातून आत्महत्या

इचलकरंजी,

कोरोची (ता. हातकणंगले) येथे राहणाऱ्या अलका अशोक आवळे (वय ५५) रा.अण्णासाहेब साठे समाज मंदिराजवळ कोरोची यांनी नैराश्यातून गळफास लावून आत्महत्या केली.

हा प्रकार शुक्रवारी सकाळी ९ वाजण्याच्या सुमारास त्यांच्या राहत्या घरी घडला.या घटनेची माहिती अमर बापु आवळे यांनी शहापूर पोलिसात दिली. त्यानंतर शहापूर पोलीस ठाण्याच्या पथकाने घटनास्थळी भेट दिली. प्राथमिक चौकशीअंती गंभीर आजाराच्या नैराश्यामुळे त्यांनी आत्महत्या केल्याचा संशय व्यक्त केला जात आहे.

पोलीस हवालदार कुरणे आणि महिला पोलीस यादव यांनी मृतदेहाचा पंचनामा करून शवविच्छेदनासाठी पाठवले. या प्रकरणाचा तपास महिला सहायक फौजदार गायकवाड करत आहेत.