अपघातग्रस्तास मदत करणे भोवले,हद्दपार संजय तेलनाडेसह चोघांवर गुन्हा,राजकीय सुडातून गुन्हा नोंद केल्याचा समर्थकाचा आरोप
इचलकरंजी:
कोल्हापूर जिल्ह्यातून हद्दपार असतानाही आदेशाचा भंग करून इचलकरंजीत वावर करणाऱ्या चौघांविरुद्ध शिवाजीनगर पोलीस ठाण्यात गुन्हा दाखल करण्यात आला आहे.
याप्रकरणी पो.ना.अरविंद माने यांनी शिवाजीनगर पोलिसात फिर्याद दिली आहे.
२ फेब्रुवारी २०२५ रोजी रात्री माणकापूर येथील एस कॉर्नर चौकात राकेश कुंभार याचा अपघात झाला त्याला अलायन्स हॉस्पिटलमध्ये दाखल करण्यासाठी ९.४५ च्या सुमारास आरोपी संजय शंकरराव तेलनाडे (वय ४४, रा. त्रिशूल चौक), दिपक सतीश कोरे (वय ३४, रा. राणाप्रताप चौक), इमरान दस्तगीर कलावंत (वय ३२, रा. गावभाग), आणि अभिजीत सुभाष जामदार (वय ३८, रा. जामदार वाडा, गावभाग) हे आले होते,सदर चौघे ७ जून पासून कोल्हापूर जिल्ह्यातून १ वर्षासाठी हद्दपार आहेत.पोलिसांना मिळालेल्या माहितीनुसार त्यानी अलायन्स हॉस्पिटलचे सिसिटीव्ही फुटेज चेक करून त्यानुसार गुन्हा दाखल केला आहे.
या प्रकरणी तपास पो.नि.सचिन पाटील यांच्या मार्गदर्शनाखाली पो.उ.नि. साने करत आहेत.
राजकीय दबावातून कारवाई केल्याचा समर्थकांचे स्टेटस.
अपघातग्रस्त सहकाऱ्यास उपचारासाठी दाखल करण्यासाठी संजय तेलनाडे सह ४ जण आले होते,त्या घटनेबाबत पोलिसांनी ३ दिवसांनी फुटेज घेऊन गुन्हा दाखल केला,सदर प्रकार हा आ.राहुल आवाडे यांच्या दबावातून झाला असल्याचा आरोप करत २०२९ ला राहुल आवाडेना घरात बसवणार,आम्ही मैदानात असतो तर घरात बसला असतास असे स्टेटस तेलनाडे समर्थकांनी लावले आहेत.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
