“स्वस्थ नारी, सशक्त परिवार” अभियानात डी के ए एस सी महाविद्यालयाच्या एन सी सी कॅडेटसचा सहभाग

इचलकरंजी :

 डी के ए एस सी महाविद्यालय व आय जी एम रुग्णालय यांच्या संयुक्त विद्यमाने आयजीएम रुग्णालयामध्ये “स्वस्थ नारी,सशक्त परिवार” या शासकीय अभियानाअंतर्गत विविध उपक्रम घेतले गेले. यामध्ये प्रामुख्याने रुग्णांची तसेच त्यांच्या नातेवाईकांचे त्याचप्रमाणे आरोग्य संदर्भातील तपासणीसाठी आलेल्या नागरिकांचे आ भा कार्ड रजिस्ट्रेशन करण्याचे काम डी के ए एस सी महाविद्यालयातील एनसीसी विभागातील कॅडेटनी अत्यंत उत्स्फूर्तपणे या उपक्रमांतर्गत केले. या उपक्रमामध्ये  एकूण  ४००  नागरिकांचे  आ भा कार्ड रजिस्ट्रेशन एन सी सी कॅडेटनी मोफत करून दिले.

या वेळी रुग्णालयाचे प्रभारी वैद्यकीय अधीक्षक डॉ. संतोष पोळ, डॉ. अमित सोहनी, डॉ.  प्रकाश मोरे उपस्थित होते.डी के ए एस सी महाविद्यालयाचे प्राचार्य डॉ एस के खाडे यांच्या मार्गदर्शनाखाली एन सी सी विभाग प्रमुख प्रा. लेफ्ट. विनायक भोई  व एन सी सी कॅडेट या उपक्रमात सहभागी झाले.

इंदिरा गांधी सामान्य रुग्णालयात आभा कार्ड नोंदणी वेळी उपस्थित कॅडेट व रुग्णालय अधिकारी