राज्यातील सर्व यंत्रमाग धारकांना वीज सवलतीसाठी ऑनलाईन नोंदणी अनिवार्य! यंत्रमागधारकात नाराजी

राज्यातील सर्व यंत्रमाग धारकांना वीज सवलतीसाठी ऑनलाईन नोंदणी अनिवार्य! यंत्रमागधारकात नाराजी

यंत्रमागधारकात नाराजी

यंत्रमाग व्यवसायाची नोंदणी अनिवार्य करण्याचा शासनाचा प्रयत्न गेल्या कित्येक वर्षांपासून सुरू आहे,वस्त्रोद्योग मंत्री अस्लम शेख व चंद्रकांतदादा पाटील असतानाही असे निर्णय घेण्यात आले होते मात्र ते थांबवण्यात आले होते,वस्त्रोद्योगाच्या ऑनलाइन नोंदणी अटी व शर्ती किचकट असल्याने याबाबत ५० टक्के यंत्रमागधारक सवलतीपासून वंचित राहतील तसेच महावितरण कडे नोंदणी असताना तेथून शासन डाटा मिळवू शकता असताना अशी अट घातल्याने यंत्रमागधारकात नाराजीचा सूर आहे.

एजंटांची साखळी सक्रिय

शासनाने ऑनलाइन नोंदणी प्रक्रिया अनिवार्य केल्यानंतर एजंट लोकांची साखळी सक्रिय होते त्यांच्यामार्फत रजिस्ट्रेशन केल्यास सवलत मिळते व स्वतः नोंदणी केल्यास त्रुटी काढल्या जातात असे काही यंत्रमागधारकानी नाव न सांगण्याचा अटीवर सांगितले.

केंद्रीय योजनांचा लाभ घेण्यासाठी नोंदणी करुन घ्यावी.

इचलकरंजी शहर हे वस्त्रोद्योगाचे मँचेस्टर असून येथील व्यवसाय वाढला पाहिजे ही सरकारची भूमिका असून केंद्रातून येणाऱ्या विविध योजनांचा लाभ मिळण्यासाठी नोंदणी अनिवार्य असल्याची माहिती प्रशासनाने दिली आहे.

अशोक स्वामी,अध्यक्ष वस्त्रोद्योग महासंघ महाराष्ट्र राज्य.

ऑनलाइन नोंदणीचा फॉर्म हा मोठा व किचकट असल्याने बऱ्याच यंत्रमागधारकाना अडचणी येणार होत्या मात्र यासंबंधित कार्यरत संघटना सोबत चर्चा करून सुटसुटीत फॉर्म करण्यात येणार आहे, त्यानुसार ऑफलाईन फॉर्म एकत्रित करून त्याची ऑनलाइन नोंदणी करून यंत्रमागधारकाना सवलतीचा लाभ देण्यासाठी प्रयत्नशील राहु.

चंद्रकांत पाटील, अध्यक्ष पॉवरलूम असोसिएशन.