मजुर सहकारी संस्थेच्या संचालकपदी अरुण निंबाळकर यांची निवड
इचलकरंजी –
कोल्हापूर, सांगली आणि सातारा जिल्हा असे कार्यक्षेत्र असलेल्या कोल्हापूर विभागीय मजुर सहकारी संस्थांचा संघ लि; सांगली या संस्थेच्या संचालकपदी अरुण मारुती निंबाळकर यांची निवड करण्यात आली आहे.
कोल्हापूर विभागीय मजुर सहकारी संस्थांचा संघ लि; सांगली या संस्थेची 2023-24 ते 2028-29 या कालावधीची पंचवार्षिक निवडणूक नुकतीच बिनविरोध पार पडली. या निवडीसाठी आमदार प्रकाश आवाडे, संस्थेचे संस्थापक चेअरमन मुकुंदराव पोवार, कोल्हापूर जिल्हा मजूर सहकारी संघाचे अध्यक्ष प्रमोद पोवार यांचे सहकार्य लाभले. अरुण निंबाळकर हे सातत्याने सामाजिक व राजकीय क्षेत्रात कार्यरत आहेत. त्यांच्या याच कार्याची दखल घेत त्यांची बिनविरोध निवड कर्‍यात आली आहे. संचालकपदी बिनविरोध निवड झाल्याबद्दल आमदार प्रकाश आवाडे व माजी जिल्हा परिषद सदस्य डॉ. राहुल आवाडे यांनी अरुण निंबाळकर यांचा सत्कार केला. यावेळी प्रमोद पोवार, नौशाद जावळे, रमेश पाटील, संजय केंगार, बाळासाहेब माने, राजू पाटील, प्रदीप दरीबे, वैभव पोवार, राजू नदाफ आदी उपस्थित होते.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
