बेपर्वा डंपर चालकाकडून धडकेने दुचाकीस्वार जखमी.

इचलकरंजी:

रांगोळी गावात डंपरची धडक बसून दुचाकीस्वार जखमी झाल्याची घटना घडली असून या प्रकरणी शिवाजीनगर पोलीस ठाण्यात  गुन्हा दाखल करण्यात आला आहे.

फिर्यादी तानाजी रामचंद्र फराकटे (वय ५९) रांगोळी, ता. हातकणंगले) हे सोमवारी सकाळी रांगोळी येथील एमएसईबी ऑफिससमोरून आपल्या होंडा अ‍ॅक्टीव्हा (क्र. MH09 CZ 3976) या दुचाकीने जात असताना डंपर क्र. MH10 Z 3465 वरील अज्ञात चालकाने बेफिकीरपणे व हयगयीने वाहन चालवत पाठीमागून धडक दिली. या धडकेत फिर्यादी जखमी झाले असून त्यांना कोल्हापूर येथील अँस्टर आधार हॉस्पिटलमध्ये उपचारासाठी दाखल करण्यात आले.

घटनेचा अहवाल राजारामपुरी पोलिसांकडून प्राप्त झाल्यानंतर  गुन्हा दाखल करण्यात आला आहे. या प्रकरणाचा तपास पोलीस नाईक मुजावर हे करीत आहेत, तर पोलीस निरीक्षक शिवाजी गायकवाड यांच्या मार्गदर्शनाखाली पुढील कारवाई सुरू आहे.