इचलकरंजी महानगर पालिकेच्या वतीने अतिक्रमण निर्मूलन मोहीम
इचलकरंजी शहरातील मुख्य रस्त्यांसह विविध ठिकाणी अतिक्रमण होत असल्याचे निदर्शनास येत असल्याने आयुक्त तथा प्रशासक ओमप्रकाश दिवटे यांनी सदर अतिक्रमण हटविण्याचे आदेश अतिक्रमण विभागास दिले होते.
या अनुषंगाने अतिक्रमण विभाग प्रमुख सुभाष आवळे यांच्या नेतृत्वाखाली इचलकरंजी महानगरपालिका अतिक्रमण निर्मूलन पथकाने मंगळवार दि.६ आणि बुधवार ७ ऑगस्ट रोजी शहरातील पोस्ट ऑफिस, नारायण चित्रमंदिर चौक, राजवाडा चौक येथे विनापरवाना बंद असलेल्या सात ढकल गाड्या जप्त करण्यात आलेल्या आहेत.
महानगरपालिकेच्या वतीने अतिक्रमण निर्मूलन मोहीम सुरूच राहणार असुन यापुढे कोणतीही आगाऊ सूचना किंवा इशारा न देता अतिक्रमण हटविणेत येणार आहे. त्याचबरोबर सायंकाळी शहरात रस्त्यांवर लागणारे चिकन बिर्याणी तसेच इतर सर्व हातगाडे यांचेवर सुद्धा कारवाई करणेत येणार आहे.
तरी सर्व संबंधितांनी यांची नोंद घ्यावी असे आवाहन महानगर पालिका आयुक्त तथा प्रशासक ओमप्रकाश दिवटे यांचेकडून करणेत येत आहे.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
