इचलकरंजीत गुरू बदलण्याचा कारणावरून घरात घुसून मारहाण; चौघांविरुद्ध गुन्हा दाखल

इचलकरंजी :

कबनूर येथील फॅक्टरी रोड परिसरात तृतीय पंथी गुरू बदलणे या कारणावरून घरात घुसून मारहाण व दमदाटी केल्याची घटना घडली असून, याप्रकरणी दोघांसह दोन अज्ञात इसमांविरुद्ध गुन्हा दाखल करण्यात आला आहे.

पोलीसांकडून मिळालेल्या माहितीनुसार, फिर्यादी वैशाली विजय बागडी (वय ४१, व्यवसाय गृहिणी, रा. सनी कॉर्नर, बागडी गल्ली, कबनूर) यांच्या राहत्या घरी दि. ३० मार्च २०२६ रोजी रात्री सुमारे २ वाजण्याच्या सुमारास आरोपी प्रशांत उर्फ प्रिया भरत सवाईराम, गणेश बजरंग निमिष्टे व त्यांच्या सोबत असलेल्या दोन अज्ञात इसमांनी जबरदस्तीने प्रवेश केला.

 आरोपींनी फिर्यादी व साक्षीदारांना लाथाबुक्यांनी मारहाण करत शिवीगाळ केली. तसेच जीवे ठार मारण्याची धमकी दिली. यानंतर आरोपींनी घरासमोर असलेल्या जर्मलच्या भांड्यांची तोडफोड केली व काठीने मारहाण करत दरवाज्याची कडी-कोयंडा तोडून सुमारे २ हजार रुपयांचे नुकसान केले.पुढील तपास कौलगे करत आहेत