इचलकरंजी महानगरपालिका राबवणार दर शुक्रवारी शहरात महास्वच्छता अभियान.
इचलकरंजी
इचलकरंजी महानगरपालिकेच्या वतीने आरोग्य विभागा अंतर्गत शहरातील ए बी सी डी झोनमधील सर्व सफाई कर्मचाऱ्यांच्या कडून प्रत्येक झोनमध्ये आठवड्यातील शुक्रवारी सकाळी दहा ते एक वाजेपर्यंत महास्वच्छता अभियान राबविण्यात येत आहे. आयुक्त तथा प्रशासक ओमप्रकाश दिवटे यांच्या आदेशान्वये प्रत्येक शुक्रवारी शहरातील चारही झोन मधील दुर्लक्षित भागामध्ये स्वच्छता अभियान राबवून साफ सफाई व कचरा उठाव करून घेण्यासाठी आरोग्य विभागाकडून नियोजन करण्यात आले आहे.
या अनुषंगाने आज शुक्रवार दि.१७ जानेवारी रोजी शहरातील ए व बी झोनमधील जवळपास २५० सफाई कर्मचाऱ्यांनी कडून राजाराम स्टेडियमचे आतील संपूर्ण तसेच बाहेरील परिसरातील स्वच्छता करून घेणेत आली. तसेच सी झोनच्या च्या वतीने इंडस्ट्रियल इस्टेट विभाग आणि शाहू पुतळा ते नवीन महानगरपालिका चौक या रोडवर जवळपास १५० कर्मचाऱ्यांच्या कडून स्वच्छता अभियान राबवण्यात आले.
या अनुषंगाने झोन डी मध्ये महासत्ता चौक ते निरामय हॉस्पिटल रोड, सी.ई.टी.पी. रोड ते बिग बाजार रोड , मेन रोडची स्वच्छता तसेच या परीसरातील खुल्या जागेची स्वच्छता करून रस्त्याच्या दोन्ही बाजूची झुडपे काढून घेतलेली आहेत.
अशा तऱ्हेने चारही झोन मध्ये आज स्वच्छता अभियान राबविण्यात आले आहे.
उपायुक्त स्मृती पाटील आणि आरोग्य अधिकारी डॉ सुनिलदत्त संगेवार यांच्या मार्गदर्शनानुसार सर्व मुख्य स्वच्छता निरीक्षक, स्वच्छता निरीक्षक , सर्व वॉर्ड ऑफिसर तसेच मुकादम यांनी आजच्या महास्वच्छता अभियानात सहभाग घेतला.
याचप्रमाणे आयुक्त तथा प्रशासक ओमप्रकाश दिवटे यांच्या आदेशानुसार संपूर्ण शहरात प्रत्येक शुक्रवारी स्वच्छता अभियान राबविण्यात येणार आहे.
