इचलकरंजीत बँकेच्या ताब्यातील मिळकतीचे सील तोडल्याप्रकरणी गुन्हा दाखल

इचलकरंजी:

इचलकरंजी शहरात बँकेच्या ताब्यात असलेल्या मिळकतीवर अनधिकृत कब्जा घेतल्याच्या प्रकरणी गुन्हा दाखल करण्यात आला आहे. जिल्हाधिकाऱ्यांच्या आदेशाचे उल्लंघन करून बँकेचे सिलबंद कुलूप तोडल्यामुळे तिघांवर गुन्हा दाखल करण्यात आला आहे.

घटना बुधवारी सकाळी ६  वाजता सांगली रोड, आयकर कॉलनीच्या मागे घडली. बँकेच्या ताब्यातील संपत्तीवर लावलेले सिल तोडून, आरोपींनी बेकायदेशीरपणे मिळकत आपल्या ताब्यात घेतल्याचा आरोप आहे.याबाबत लक्ष्मण गणपती कोळेकर (वय ५४), व्यवसाय – नोकरी, राहणार मोठे तळे, गावभाग, इचलकरंजी यांनी फिर्याद पोलिसांकडे तक्रार दाखल केली.

बाबु इराप्पा कारदगे (वय ६५), राहणार आयकर कॉलनी, सांगली रोड, इचलकरंजी,सावित्री बाबु कारदगे व एक अज्ञात महिला या आरोपींनी जिल्हाधिकाऱ्यांच्या आदेशाचा भंग करत बँकेच्या परवानगीशिवाय सिल तोडले आणि संपत्ती बेकायदेशीररीत्या ताब्यात घेतली.इचलकरंजी पोलीस ठाण्यात गुन्हा दाखल झाला असून पुढील तपास हवालदार कांबळे करत आहेत.