एकतर्फी मजुरीवाढीस स्थगिती देण्याची पॉवरलूम असोसिएशनची मागणी
इचलकरंजी २४ :
मा.सहाय्यक कामगार आयुक्त यांना एकतर्फी जाहीर केलेल्या मजूरी वाढीस स्थगिती देण्याचे निवेदन दि इचलकरंजी पॉवरलुम असोसिएशनच्यावतीने देणेत आले.
सदर निवेदनात बुधवार दि. २२/०१/२०२५ इ.रोजी आपण यंत्रमाग कामगारांच्या मजूरीमध्ये ५२ पिकास प्रती मीटर ९ पैशांची वाढ घोषीत केलेचे समाजमाध्यम व दैनिकातून समजले. पण यासंदर्भात २६ जानेवारी नंतर पुन्हा मिटींग घेऊन याबद्दल विचार विनिमय करून निर्णय घ्यावा अशा आशयाचे पत्र दिले असतानाही आपण अचानक एकतर्फी मजूरी वाढ घोषीत केलेली आहे.
खरेतर सन २०१६ पासून यंत्रमागधारक संघटना या करारातून बाहेर पडल्या आहोत. आणि तसे पत्र वेळोवेळी आपणांस दिलेली आहेत. यापूर्वीही एक ते दोन वेळेला मजूरीची घोषणा झालेली नाही.
सन २०१३ पासून ट्रेडिंग कंपनी चालक कोणतीही मजूरीवाढ देणेस तयार नाहीत. किंवा ते चर्चेलाही येत नाहीत. प्रशासन फक्त एकतर्फी कामगारांची बाजू घेऊन मजूरीत वाढ करते. परंतू मजूरीने बिमे आणून कापड विणणाऱ्या कारखानदारांची बाजू प्रशासन घेत नाही व ऐकूणही घेत नाही. त्यामुळे जरी दरवर्षी मजूरीवाढ जाहीर झाली, तरी त्याची अंमलबजावणी होत नाही. कारण ट्रेडिंग चालक मजूरी वाढवून देत नाहीत.
याचबरोबर संपूर्ण महाराष्ट्रात फक्त इचलकरंजीमध्ये अशी कामगारांची मजूरीवाढ घोषीत होते. इचलकरंजीपेक्षा मोठ्या केंद्रामध्ये उदा. भिवंडी, मालेगांव इ. येथे कामगारांच्या मजूरीत वाढ होत नाही. त्यामुळे इचलकरंजीतील उत्पादन खर्च वाढलेला आहे. यामुळे इचलकरंजीत उत्पादित होणाऱ्या कापडास मागणी येत नाही. या सगळ्याचा परिपाक म्हणून घोषीत होणारी मजूरी वाढीची अंमलबजावणी होत नाही. आणि यावेळीही वरील सर्वबाबींमुळे यंत्रमाग कारखानदारांची कामगारांना मजूरी वाढ देणेची ताकद नाही.
तरी याबाबतीत २६ जानेवारी नंतर सर्व यंत्रमागधारक संघटना, कामगार संघटना व लोकप्रतिनिधींची एकत्रित मिटींग घेऊन मार्ग काढणे अपेक्षीत आहे. तशी मिटींग आपण आयोजीत करावी व तोपर्यंत या निर्णयास स्थगिती द्यावी असे निवेदनात नमुद केलेची माहिती दि इचलकरंजी पॉवरलुम असोसिएशनचे अध्यक्ष चंद्रकांत पाटील यांनी प्रसिद्धीस दिलेल्या पत्रकात दिलेली आहे.
