इचलकरंजी एस टी आगारात चालक दिन संपन्न.
इचलकरंजी
राज्य परिवहन इचलकरंजी आगारामध्ये दि. २४ जानेवारी २०२५ रोजी चालक दिनाचा कार्यक्रम मोठया उत्साहामध्ये संपन्न झाला. प्रवासी वाहतुकीमध्ये चालक हा अत्यंत महत्वाचा घटक आहे. प्रवाशांच्या सुरक्षित प्रवासाकरिता सतत प्रयत्न करणा-या चालकांच्या योगदानाचा यथोचित सन्मान होणे व चालकांना सुरक्षित वाहतुकीसाठी प्रेरणा मिळणे या दृष्टीकोनातुन २४ जानेवारी हा दिवस देशभरामध्ये चालक दिन म्हणून साजरा केला जातो.
चालक दिन कार्यक्रमाचे निमित्ताने श्री राजेसाब पट्टणकुडी, किरणकुमार नाईक, सुधिर हणबर, सुरेश कोरवी, दिपक वाईकर या चालकांचा विना अपघात सुरक्षित सेवा केल्याबद्दल व श्री शितल कुंभार, श्री महादेव निर्मळ, श्री संदिप दावणे, सुरेश बुदेढ, संदिप पोळ, निसार खान या चालकांचा उत्कृष्ट इंधन बचत केल्याबद्दल इचलकरंजी आगाराचे आगार व्यवस्थापक, श्री सागर पाटील यांचेहस्ते प्रमाणपत्र व पुष्पगुच्छ देवून गौरव करण्यात आला.
प्रसंगी आगार व्यवस्थापक श्री सागर पाटील यांनी आगारातील सर्व चालकांना चालक दिनाच्या शुभेच्छा दिल्या. कार्यक्रमास आगारातील पर्यवेक्षक, चालक वाहक, कार्यशाळा व प्रशासकीय कर्मचारी उपस्थित होते.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
