” डॉ.सारिका दि. पाटील व डॉ.एस. टी. इंगळे यांना युके-पेटंट ची मान्यता”.

इचलकरंजी

 इचलकरंजी येथील दत्ताजीराव कदम आर्ट्स सायन्स आणि कॉमर्स महाविद्यालयातील वनस्पतीशास्त्र विभागातील प्राध्यापिका डॉ. सारिका दीपक पाटील(कळे) व वनस्पतीशास्त्र विभाग प्रमुख प्रा. डॉ. सुभाष इंगळे यांच्या ‘प्लांट डिफेन्स सिस्टिम अंडर अल्ट्राव्हायोलेट रेडिएशन ब ‘ या संशोधनास युके पेटंट ची मान्यता मिळाली आहे. सदरचे संशोधन हे लक्ष्मीतरु या औषधी वनस्पतीवर ( _Simarouba glauca_ DC.) करण्यात आले आहे. याबद्दल अधिक माहिती अशी आपल्या सभोवताली अनेक अशा औषधी वनस्पती बघायला मिळतात त्या वनस्पती दिवसभर सूर्यप्रकाशाखाली वाढत असतात पण असे काही अल्ट्राव्हायलेट रेडिएशन असतात की ते वनस्पतीच्या वाढीसाठी घातक ठरतात पण याच वनस्पत्तीवर ठराविक मर्यादेपर्यंत जर अतिनिल रेडिएशन्स चा मारा केला तर त्या आपल्या संरक्षणासाठी विशेष औषधी रसायन अधिक प्रमाणात तयार करतात. हे संशोधन करण्यासाठी लक्ष्मीतरु ही महत्त्वाची औषधी वनस्पती निवडली आहे.कारण या वनस्पतीमध्ये कॅन्सर प्रतिबंधक गुणधर्म जास्त प्रमाणात आहेत. या प्रयोगा अंती या वनस्पतीचे कॅन्सर प्रतिरोधक औषधी गुणधर्म वाढले आसल्याचे सिध्द झाले आहे. समाजाला पूरक असलेल्या या संशोधनासाठी अमेरिकन पेटंट ची मान्यता मिळाली आहे. सदर संशोधनासाठी श्री स्वामी विवेकानंद शिक्षण संस्थेचे कार्याध्यक्ष मा.अभयकुमारजी साळुंखे, सेक्रेटरी प्राचार्या  शुभांगी ताई गावडे, सी.ई.ओ. मा. कौस्तुभ गावडे तसेच महाविद्यालयाचे प्राचार्य डॉ.एस्. एम्. मणेर यांचे विशेष सहकार्य व मार्गदर्शन लाभले.