शेड्युल डीस्लजिंग प्रणाली संपूर्ण शहरात राबविणारी इचलकरंजी महाराष्ट्रातील पहिली महानगरपालिका
इचलकरंजी
स्वच्छ भारत अभियान नागरी अंतर्गत शहरातील सेप्टिक टाकी मैला उपसा करणेबाबत शासनाच्या सुचना प्राप्त झाल्या आहे. तसेच स्वच्छ सर्वेक्षण अंतर्गत शेड्युल डीस्लजिंग प्रणालीस विशेष महत्व दिले आहे. यास अनुसारून इचलकरंजी शहरातील ज्या आस्थापना सेप्टिक टाकीच्या माध्यमातून मैला संकलन केले जाते अशा सर्व आस्थापनांचे वेळापत्रक निहाय मैला उपसा करणेचे नियोजन इचलकरंजी महानगरपालिके कडून करणेत आहे आहे. या सेवेला “शेड्युल डीस्लजिंग प्रणाली” संकल्पना म्हणतात. सदर प्रणालीचा मुख्य हेतू सेप्टिक टाकीचे उपसा दर तीन वर्षातून एकदा करणे हा आहे तसेच पर्यावरणाच्या दृष्टीने सदर प्रणाली लोकोपयोगी आहे. इचलकरंजी शहरवासियांना शेड्युल डीस्लजिंग करणे बंधनकारक असणार आहे. सेवा पुरविताना ज्या आस्थापनांचे सेप्टिक टाकी उपसा करणेची आहे अशांना पूर्व कल्पना देणेसाठी एक ते सात दिवस आधी आवश्यक त्या सुचना देणेकरीता मनापा नियुक्त कर्मचारी माहिती पत्रकासहित प्रत्येक घरास व आस्थापानास समक्ष भेट देणार आहे. सेप्टिक टाकी साफ केल्यानंतर कर्मचाऱ्याने दिलेला फॉर्म पूर्ण भरून द्यावा पण त्याला कोणतेही शुल्क देणेचे नाही. सदरचे सेवाशुल्क हे संबंधित नागरिकांच्या घरफाळा कराच्या माध्यमातून तीन वर्षांकरिता प्रती वर्ष रु.२५० प्रमाणे एकूण रु.७५० इतके आकारले केले जाईल जे एका खेपेच्या भाड्याइतके मैला उपसा सेवेकरीताआकारले जाते. शेड्युल डीस्लजिंग प्रणाली अंमलात आणणारी इचलकरंजी महानगरपलिका महाराष्ट्रात पहिली महानगरपालिका ठरली आहे. सदर प्रणालीचे नियोजन बांधणी करिता CWAS CRDF CEPT युनिव्हार्सिटी यांचे सहकार्य लाभले. आयुक्त ओमप्रकाश दिवटे यांचे निर्देशानुसार सदर प्रणाली कार्यरत होणार आहे. आयुक्त ओमप्रकाश दिवटे यांचे हस्ते आणि उपायुक्त प्रसाद काटकर यांच्या प्रमुख उपस्थितीत सदर प्रणालीचा शुभारंभ झाला आहे. सदर प्रणाली मध्ये अतिरिक्त आयुक्त सुषमा शिंदे, उपायुक्त श्री. प्रसाद काटकर व उपायुक्त स्मृती पाटील यांचे विशेष मार्गदर्शन लाभले. तसेच कार्यकरी अभियंता सुभाष देशपांडे, वैद्य. आरोग्य अधिकारी डॉ. सुनीलदत्त संगेवार, शाखा अभियंता श्री अभय शिरोलीकर, शहर समन्वयक श्री प्रविण बोंगाळे व CWAS प्रतिनिधी श्री भूषण टवलारे यांचे विशेष सहकार्य लाभले. शेड्युल डीस्लजिंग प्रणाली अंमलबजावणीचे काम प्रोप्रा. श्री. उत्तम काटकर यांच्या युनिक पेस्ट कंट्रोल सर्विसेस भांडूप मुंबई या कंपनीस मंजूर झाले असून कंपनीचे सहकारी अझीज फरास व अझरूद्दीन फरास यांचेमार्फत कामकाज पूर्ण केले जाणार आहे. तरीही सर्व इचलकरंजीकरांना शेड्युल डीस्लजिंग प्रणालीकरीता सहकार्य करणेबाबत चे आवाहन आयुक्त ओमप्रकाश दिवटे यांनी केले आहे.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
