व्हॅलेंटाईन डे साजरे करण्यावर निर्बंध आणावेत : बजरंग दल

 इचलकरंजी

            पाश्चात्त्य देशांशी संबंधित असलेला ‘व्हॅलेंटाईन डे’ साजरा करून आजची तरुण पिढी भरकटत आहे. अशा प्रकारचे ‘डे’ हे युवा पिढीला चुकीच्या मार्गावर नेण्याचे षड्यंत्र असून यामागे मोठ्या आस्थापनांचे छुपे अर्थकारणही लपलेले आहे. यामुळे आर्थिक हानीसह या देशातील भारतीय संस्कृतीची अपरिमित हानी अशा चुकीच्या ‘डे’मुळे होत आहे. अश्या बाबींवर निर्बंध आणावेत व अनुचित प्रकार घडू नये यासाठी अप्पर पोलीस अधीक्षक श्री. निकेश खाटमोडे – पाटील यांना निवेदन देण्यात आले..

१४ फेब्रुवारी हा दिवस व्हॅलेंटाईन डे म्हणून मोठ्या प्रमाणात तरुणाई कडून साजरा केला जातो हा दिवस साजरा करत असताना चुकीच्या प्रथा वा चुकीच्या घटना घडत असतात. हा दिवस साजरा करण्यासाठी तरुणाई प्रेक्षणीय स्थळे,हॉटेल,कॅफे,बागा चित्रपटगृहे इत्यादी सार्वजनिक ठिकाणी जमा होतात यातून अनेकदा वाईट प्रसंग घडले आहेत यामुळे समाजामध्ये ही ताण तणाव निर्माण होतात. असे विविध प्रसंग घडून समाजातील शांतता भंग होऊ नये म्हणून आपल्या पोलिस प्रशासनाकडून योग्य ती खबरदारी वरील नमूद केलेल्या ठिकाणी घेतली जावी असे नमूद करण्यात आले.. स्वैराचाराचे समर्थन करून समाजव्यवस्था मोडकळीस आणणार्‍या ‘व्हॅलेंटाईन डे’ला भारतीय समाजातून हद्दपार केलं गेलं पाहिजे म्हणून या निवेदनाद्वारे पोलीस प्रशासनाकडून प्रतिबंधात्मक निर्बंध आणून चुकीच्या प्रथेस आळा घातला जावा अशी मागणी करण्यात आली..

निवेदन देण्या प्रसंगी शिष्टमंडळात  सौ.रेवती हनमसागर, सौ.अरुणा माने, सौ. अर्चना रानडे , सौ गायत्री कुंभार, श्री. सुजित कांबळे,श्री.विशाल माळी,श्री.अमोल शिरगुप्पे,श्री.ऋषिकेश पवार,श्री.अमित पाटील, व पदाधिकारी उपस्थित होते..