एल.टी. उद्योग वीज दरात वाढ – महावितरणच्या प्रस्तावाने उद्योगांना झटका

एल.टी. उद्योग वीज दरात वाढ – महावितरणच्या प्रस्तावाने उद्योगांना झटका

मुंबई – महाराष्ट्र राज्य वीज वितरण कंपनी लिमिटेड (महावितरण) यांनी एल.टी. उद्योग वीज ग्राहकांसाठी नवीन दरवाढ प्रस्तावित केली आहे. या प्रस्तावामुळे उद्योगांसाठी वीज खर्च मोठ्या प्रमाणात वाढण्याची शक्यता आहे.       महावितरणच्या नव्या प्रस्तावानुसार २०२४-२५ मध्ये ६.८० रुपये प्रति kWh असलेला दर २०२५-२६ मध्ये ७.५८ रुपये प्रति kVAh करण्यात येणार आहे. त्यानंतर वर्षानुसार दर वाढत जाऊन २०२९-३० मध्ये ६.९४ रुपये प्रति kVAh होईल. तसेच, व्हीलिंग शुल्क आणि मागणी शुल्कामध्येही सातत्याने वाढ प्रस्तावित आहे

नवीन बिलिंग प्रणाली kWh ऐवजी kVAh वर आधारित असल्याने पॉवर फॅक्टर इन्सेंटिव्ह मिळणार नाही, ज्यामुळे प्रति kVAh ०.३० रुपये खर्च वाढणार आहे.वीज दर वाढीव्यतिरिक्त ७.५% वीज शुल्कही लागू होईल.kVAh साठी अतिरिक्त ०.२० ते ०.३० रुपये प्रति युनिट भार येईल.एकूण वाढ प्रति युनिट २.०० ते २.७० रुपयांपर्यंत जाऊ शकते.

या दरवाढीचा परिणाम मालेगाव, भिवंडी, सोलापूर, सांगली, विटा, कराड, वडगाव, हातकणंगले तालुका, इचलकरंजी येथील उद्योगांवरही होणार आहे. त्यामुळे सर्व एल.टी. उद्योग वीज ग्राहकांनी महावितरणच्या या प्रस्तावित दरवाढीचा सखोल अभ्यास करून महाराष्ट्र वीज नियामक आयोगाकडे जास्तीत जास्त हरकती व सूचना दाखल कराव्यात, असे आवाहन महाराष्ट्र वीज ग्राहक संघटनेचे सचिव जाविद मोमीन यांनी केले आहे.