ॲनॉन फ्रेंड्स सर्कल , भाग्यश्री कॉलनी यांचा शाडू मातीचा भाग्यगणेश !
पर्यावरण_बाप्पा
इचलकरंजी
भाग्यश्री कॉलनी सार्वजनिक गणेशोत्सव स्थापना १९८२ सालची असून सुरवातीची काही वर्षे मंडळाने POP ची गणेश मूर्ती आणली पण लवकरच मंडळाच्या कार्यकर्त्यांना पर्यावरण व नदी प्रदूषण बाबत जाणीव झाल्यामुळे शाडू मातीचा बाप्पा आणायला सुरवात केली , अगदी १० फुटाची POP ची गणेश मूर्ती ते ३ फुटाची शाडू मातीची गणेश मूर्ती हा बदल वाखाणण्याजोगा आहे . गणेश आगमन मिरवणूक ही बैलगाडी मधून केली जाते , पारंपरिक वाद्यांचाच वापर केला जातो , सर्वांत महत्त्वाचे म्हणजे शाडू ची मूर्ती असूनही या मूर्ती चे विसर्जन नदीत न करता सार्वजनिक बागेतील कुंडात केले जाते , मंडळाच्या सर्व कार्यकर्त्यांच्या घरच्या गणेशमूर्तीही शाडू मातीच्या असतात व त्यांचे ही विसर्जन कुंडात केले जाते असा उपक्रम राबवणारे महाराष्ट्रातील एकमेव मंडळ असावे .
ॲनॉन फ्रेंड्स सर्कल गणेशोत्सव सोबतच नवरात्रोत्सव ही मोठ्या उत्साहात साजरा करत असते , देवीची मूर्ती फायबर पासून बनवलेली कायमस्वरूपी असून तीचे विसर्जन केले जात नाही ,
ॲनॉन फ्रेंड्स सर्कल , वर्षभर इतर सामाजिक उपक्रम जसे की पंचगंगा नदी स्वच्छता , रामलिंग येथे प्लॅस्टिक निर्मूलन , वृक्षारोपण , रक्तदान , गरजू ना मदत असे उपक्रम राबवत असते , मंडळ गेली १२ वर्षे होळी सणाच्या वेळी शेणीदान हा उपक्रम राबवते पर्यावरणाच्या रक्षणासाठी होईल तेवढे प्रयत्न करत असते .
मंडळाचे अध्यक्ष श्री दिपक लाटणे यांच्या पुढाकाराने भाग्यश्री कॉलनीतील सर्व रहिवाशांच्या सहकार्याने विविध उपक्रम राबवत असते.
