शिवप्रतिष्ठान हिंदुस्थान तर्फे दुर्गामाता दौडचे आयोजन

शिवप्रतिष्ठान हिंदुस्थान तर्फे दुर्गामाता दौडचे आयोजन

इचलकरंजी (प्रतिनिधी) – प्रतिवर्षाप्रमाणे  शारदीय नवरात्रोत्सवानिमित्त श्री शिवप्रतिष्ठान हिंदुस्थानच्यावतीने श्री दुर्गामाता दौडीचे आयोजन करण्यात आले आहे. घटस्थापना दिनांक २२ सप्टेंबरपासून ते विजयादशमीपर्यंत दररोज पहाटे साडेपाच वाजता कॉ. के. एल. मलाबादे चौकातून दौड काढण्यात येणार आहे. युवक भगवा फेटा, पांढरी टोपी, भगवा ध्वज व शस्त्रांसह दुर्गामाता, भारतमाता आणि धर्मवीरांचा जयघोष करणार आहेत. मंदिरांमध्ये देवीची आरती होईल तर नागरिक रांगोळी व फुलांच्या वर्षावाने स्वागत करतील. आयोजकांनी हजारो युवकांनी उत्साहाने सहभागी व्हावे, असे आवाहन केले आहे. समारोप सोहळा विजयादशमीला होणार आहे.