पूर्ववैमनस्यातून तरुणावर लोखंडी रॉडने जीवघेणा हल्ला – अल्पवयीन संशयिताविरुद्ध गुन्हा दाखल

पूर्ववैमनस्यातून तरुणावर लोखंडी रॉडने जीवघेणा हल्ला – अल्पवयीन संशयिताविरुद्ध गुन्हा दाखल

इचलकरंजी :
इचलकरंजीतील सहकारनगर परिसरात जुन्या वादाच्या रागातून एका तरुणावर लोखंडी रॉडने जीवघेणा हल्ला केल्याची घटना घडली आहे. या प्रकरणी अल्पवयीन संशयिताविरुद्ध इचलकरंजी पोलिस ठाण्यात गुन्हा दाखल करण्यात आला आहे.

Advt

मिळालेल्या माहितीनुसार, फिर्यादी मंगेश उर्फ रविराज जनार्दन कांबळे (वय ३०, व्यवसाय फॅब्रिकेशन, रा. सहकारनगर साइट नं. १०२, इचलकरंजी) हे शुक्रवारी रात्री घरी जात असताना सहकारनगर येथील सरकारी संडास चौकात जुन्या वादाच्या रागातून अल्पवयीन संशयिताने मागून येत “तुला सोडणार नाही” असे म्हणून लोखंडी रॉडने फिर्यादीच्या डोक्यात प्रहार केला.

या हल्ल्यात फिर्यादी गंभीर जखमी झाले असून त्यांच्यावर सांगली सिव्हिल हॉस्पिटल येथे उपचार सुरू आहेत.

प्रकरणाचा तपास पोलीस उपनिरीक्षक श्री. कोळेकर यांच्या मार्गदर्शनाखाली सुरू आहे.