वाचाल तर वाचाल – प्राचार्य प्रो. (डॉ .)एस . के . खाडे

इचलकरंजी:

दत्ताजीराव कदम आर्ट्स सायन्स अँड कॉमर्स कॉलेज मध्ये डॉ . एपीजे अब्दुल कलाम यांच्या जयंतीनिमित्त वाचन प्रेरणा दिन संपन्न झाला . हा कार्यक्रम महाविदयालयातील ग्रंथालय विभाग , मराठी विभाग आणि समाजवादी प्रबोधिनीचे प्रबोधन वाचनालय  यांच्या संयुक्त विद्यमाने आयोजित केला होता.याप्रसंगी प्राचार्य प्रो. (डॉ ) एस के खाडे यांनी वाचाल तर वाचाल असे म्हणत  ग्रंथालयात सर्व प्रकारची पुस्तके असतात . कथा , कादंबरी ,नाटक ,चरित्र , आत्मचरित्र ,आत्मकथन असे वेगवेगळ्या प्रकारचे वांग्मय वाचनासाठी विपुल प्रमाणात उपलब्ध आहे . डॉ. एपीजे अब्दुल कलाम यांना भारत देश महासत्ता होणार यावर विश्वास होता कारण त्यांचा तरुणांच्यावर विश्वास होता . प्रत्येकाने रोज किमान एक तास वाचन केले पाहिजे . अवांतर वाचनाने ज्ञानात वाढ होते . याबरोबरच दैनिक वृत्तपत्रातील मधील संपादकीय लेख वाचन केल्याने आपले विचार समृद्ध होतात . कांही वाचकांना वाचल्याशिवाय झोप येत नाही कारण वाचन करणं हे सुद्धा एक चांगले व्यसन आहे . यातून माणसाचं व्यक्तिमत्व विकास होत जातो असे मत व्यक्त केले

कार्यक्रमासाठी एन .सी .सी विभाग आणि एन .एस .एस विभाग यांचेही मोलाचे सहकार्य लाभले .

Advt

कार्यक्रमाचे प्रास्ताविक प्रतिभा पाचंगे यांनी केले . याप्रसंगी अनेक विद्यार्थिनींनी विद्यार्थ्यांनी स्वतःची मनोगत व्यक्त केली तसेच संविधान वाचन करण्यात आले  या कार्यक्रमाचे आभार प्रो. डॉ . सुभाष जाधव यांनी मानले सूत्रसंचालन कुमारी संजीवनी कदम हिने केले . या प्रसंगी महाविद्यालयातील डी. ए यादव डॉ. सुभाष इंगळे आदी प्राध्यापक वृंद, समाजवादी प्रबोधिचे कार्यकर्ते,प्रबोधन वाचनालयाचे वाचक, प्रशासकीय कर्मचारी विद्यार्थी विद्यार्थिनी मोठ्या संख्येने उपस्थित होते .