धर्मवीर छत्रपती श्री संभाजी महाराजांच्या मूर्तीचे आज आगमन; इचलकरंजीत विविध कार्यक्रमांचे आयोजन.

धर्मवीर छत्रपती श्री संभाजी महाराजांच्या मूर्तीचे आज आगमन; इचलकरंजीत विविध कार्यक्रमांचे आयोजन.

इचलकरंजी :

धर्मवीर छत्रपती श्री संभाजी महाराज प्रतिष्ठानच्या वतीने छत्रपती संभाजी महाराजांच्या मूर्तीचे काम पूर्णत्वास आल्याची माहिती देण्यात आली आहे. ही भव्य मूर्ती ३ डिसेंबर रोजी इचलकरंजीत आगमन करणार असून शहरात भव्य मिरवणुकीचे आयोजन करण्यात आले आहे.

संस्थेने दिलेल्या माहितीनुसार आज ३ डिसेंबर २०२५ रोजी मूर्तीचे आगमन व मिरवणूक, तर ५ डिसेंबर २०२५ रोजी विधीवत प्रतिष्ठापना करण्यात येणार आहे. त्याच दिवशी सायंकाळी ६ वाजता दिग्दर्शक दिग्पाल लांजेकर यांचा ‘श्वासात राजं, ध्यासात राजं’ हा छत्रपती संभाजी महाराजांच्या जीवनावरील संगीतमय भव्य कार्यक्रम होणार आहे.

त्यानंतर ६ डिसेंबर २०२५ रोजी ढोल पथक मानवंदना देणार आहे. या ऐतिहासिक क्षणाचे साक्षीदार होण्यासाठी इचलकरंजी शहर व पंचक्रोशीतील सर्व शिवशंभू भक्तांनी मोठ्या संख्येने उपस्थित राहावे, असे आवाहन धर्मवीर छत्रपती श्री संभाजी महाराज स्मारक समितीतर्फे करण्यात आले आहे.