इचलकरंजीत २ ठिकाणी बेकायदेशीर दारु जप्त

इचलकरंजीत २ ठिकाणी बेकायदेशीर दारु जप्त

इचलकरंजी :

इचलकरंजीमध्ये जवाहरनगर परिसरात दोन स्वतंत्र ठिकाणी बेकायदेशीर दारु जप्त करण्यात आली. पहिल्या प्रकरणात जटप्पा हनुमंत धोत्रे (वय ६५, दणाणे हॉस्पिटलशेजारी, जवाहरनगर) यांनी स्वतःच्या फायद्यासाठी १८ लिटर गावठी हातभट्टीची दारु ठेवून विक्री करण्याचा प्रयत्न केला होता. त्यातून १८० मिली सॅम्पलसाठी काढण्यात आली. एकूण मुद्देमालाची किंमत १८०० रुपये होती.

दुसऱ्या प्रकरणात सिताराम बंडोपंत निकम (वय ३९, विवेकानंदनगर, कोरोची) यांनी डेक्कन भाजी मार्केट जवळ मोमिन चिकन दुकानलगत बेकायदेशीर दारु ठेवली होती. पोलीस तपासात १४ लिटर गावठी हातभट्टीची दारु व १८०मिली सॅम्पलसाठी घेण्यात आली  एकूण मुद्देमालाची किंमत १४०० रुपये आहे.

दोन्ही प्रकरणी गुन्हा  नोंदवण्यात आला आहे पुढील तपास पो.स.इ. साने आणि सहा. फौजदार कसेकर प्रभारी अधिकारी पोलीस निरीक्षक शिवाजी  गायकवाड यांच्या मार्गदर्शनाखाली करत आहेत.