इचलकरंजीत ज्येष्ठ महिलेचे मंगळसूत्र हिसकावले; अज्ञात दोघांवर गुन्हा

इचलकरंजी :

श्रीपादनगर परिसरात सकाळी योगा क्लासहून परतणाऱ्या ज्येष्ठ महिलेचे मंगळसूत्र हिसकावून नेल्याची घटना घडली. याप्रकरणी अज्ञात दोन इसमांविरुद्ध गुन्हा दाखल करण्यात आला आहे.

सौ. जयश्री आबासाहेब घाटगे (वय ७०, रा. वृंदावन अपार्टमेंट) यांनी दिलेल्या फिर्यादीनुसार, दि. ६ मे रोजी सकाळी साडेसातच्या सुमारास अपार्टमेंटच्या पार्किंगमध्ये त्या असताना दोन इसमांनी अचानक त्यांच्या गळ्यातील सुमारे ८ ग्रॅम वजनाचे, अंदाजे ४५ हजार किंमतीचे मंगळसूत्र बळजबरीने हिसकावले. त्यानंतर दोघेही मोटारसायकलवरून पसार झाले.

या प्रकरणी इचलकरंजी पोलीस स्टेशन येथे  गुन्हा नोंद करण्यात आला आहे. पुढील तपास पोलीस अधिकारी मृणालिनी पाटील करीत आहेत.