पोस्टाच्या २१९ देशातील कुरियर सेवेचा लाभ घेण्याचे पॉवरलूम असोसिएशनचे आवाहन
इचलकरंजी ३० :
भारतीय पोस्ट विभागातर्फे डाकघर निर्यात केंद्र सुरू करणेत आलेले आहे. या विभागामार्फत जगातील २१९ देशांमध्ये डायरेक्ट पोस्ट सेवा पुरविली जाणार आहे. यामध्ये १० ग्रॅम पासून ते ३० किलो पर्यंतची कुरिअर सेवा दिली जाणार आहे. या सेवेमुळे आता उद्योजकांना आपले सँम्पल, उत्पादन, वस्तू परदेशी ग्राहकांना स्पिडपोस्ट द्वारे पाठविणे सोईचे झालेले आहे. ही सेवा भारतीय डाक विभागातर्फे सुरू करणेत आली असून त्याचे दर इतर खाजगी कुरिअर सेवेपेक्षा माफक म्हणजे ४०% ते ६०% इतक्या कमी दरात आहेत. ही सेवा घेणाऱ्या उद्योजकांना डाक विभाग पोर्टल रजिस्ट्रेशन करून देणार आहे. त्यामुळे सर्व सुविधा ऑनलाईन मिळतील. त्याचबरोबर पाठविलेले उत्पादन जर कस्टम क्लिअरंस करणे गरजेचे असेल तर ते देखील भारतीय पोस्ट विभागामार्फत केले जाणार आहे. या सेवेमुळे इचलकरंजीतील वस्त्रोद्योग उत्पादक आपल्या उत्पादनाचे सँम्पल तसेच उत्पादनेसुद्धा परदेशात निर्यात करू शकतील. ३० किलो पर्यंतच्या गाठी, बॉक्स पाठविणे यामुळे शक्य होणार आहे. तसेच नागरीकसुद्धा आपल्या नातेवाईकांना कुरिअर करू शकरणार आहेत. या सेवेमध्ये इन्शुरन्स सेवा देखील उपलब्ध आहे. त्याचबरोबर सदर कुरिअर ट्रॅक व ट्रेस सिस्टीममुळे कुरिअरची सद्यस्थिती समजणार आहे. डोअर टू डोअर डिलीव्हरीमुळे सॅम्पल, उत्पादन व वस्तू पाठविणे सोईस्कर झालेले आहे. याशिवाय जादा गाठी, बॉक्स असतील तर, डिस्काउंट व पिक-अप सेवा डाक विभागामार्फत पुरविली जाणार आहे. यामुळे निर्यात वस्तूचे सॅम्पल, उत्पादने व इतर कुरिअर इच्छितस्थळी स्पीडपोस्टद्वारे वेळेत पोहोचणार आहे. दि इचलकरंजी पॉवरलुम असोसिएशनच्या विनंतीवरून सदर कुरिअर सेवा इचलकरंजी पोस्ट ऑफिसमध्ये सुद्धा स्विकारली जाणार आहे. याचा लाभ इचलकरंजी शहर व परिसरातील उद्योजक, व्यापारी व नागरीकांनी घ्यावा असे आवाहन दि इचलकरंजी पॉवरलुम असोसिएशनचे अध्यक्ष चंद्रकांत पाटील यांनी केले आहे.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
