विधवांना विरांगना संबोधून सन्मानाची वागणुक द्यावी-राष्ट्रसंत कमलमुनीजी कमलेश मंगळवारी विरांगना सन्मान समारोहाचे आयोजन.

जेव्हा एखादी महिला विधवा होते त्यामध्ये तिचा कसलाही दोष नसतो,परंतु सर्व त्रास व दुजाभाव तिला सहन करावा लागतो.विधवा झाल्यानंतर महिला अडचणींवर मात करत  संघर्षातुन आपले कुटुंब चालवते त्यामुळे त्याना समाजात महत्वाचे स्थान मिळाले पाहिजे व विरांगना असे संबोधून सन्मानाची वागणूक मिळाली पाहिजे असे विचार राष्ट्रसंत कमलमुनीजी कमलेश यांनी पत्रकार परिषदेत मांडले.

कमलमुनीजी म्हणाले, सरकार दुहेरी निधीचा अवलंब करीत आहे. विक्रीवर कायदा करण्यापेक्षा उत्पादन बंदीचा कायदा होणे आवश्यक आहे. गो हत्या रोखण्यासाठी मजबूत कायदा झाला पाहिजे. ४० टक्के नकली दूध येत आहे. मंदिरातील प्रसादामध्ये दिसणारी चरबी आपण कसे थांबवू. त्यामुळे धर्मच भ्रष्ट होईल.गायीला फक्त राजमाता म्हणून घोषित करून चालणार नाही,तर एकही गाय रस्त्यावर दिसणार नाही याची काळजी घेतली पाहिजे.त्यासाठी नंदी शाळा उभारण्याची आवश्यकता आहे.गाय चरणाऱ्या गायरान भूमीवर अतिक्रमण करणारेही कसाईच आहेत.धार्मिकतेची गोष्ट करणाऱ्या देशातील मांस निर्यातीचे प्रमाण दुप्पट झाले आहे,हा विरोधाभास आहे. ३० लाख संत प्रयागराजमध्ये आले होते. प्रत्येक संतांनी एक गाव दत्तक घेऊन शिक्षण,आरोग्य यावर काम केल्यास देश प्रगतीपथावर जाईल.मंदिरातून बाहेर येऊन मानव सेवेसाठी काम केले पाहिजे.