राजस्थानचे मुख्यमंत्री भजनलाल शर्मा यांच्या
उपस्थितीत आज व्यापारी संवाद मेळावा.
इचलकरंजी –
इचलकरंजी विधानसभा मतदार संघातील महायुतीचे अधिकृत उमेदवार राहुल आवाडे यांच्या प्रचारार्थ गुरुवार 7 नोव्हेंबर रोजी राजस्थानचे मुख्यमंत्री भजनलाल शर्मा हे इचलकरंजीत येत आहेत. लायन्स क्लब येथे सायंकाळी 5.00 वाजता प्रचाराच्या निमित्ताने व्यापारी संवाद मेळाव्याचे आयोजन करण्यात आले आहे.
इचलकरंजी हे वस्त्रोद्योगाचे प्रमुख केंद्र आहे. वस्त्रोद्योग व वस्त्रोद्योगाशी निगडित व्यापार्‍यांशी संवाद साधत मुख्यमंत्री भजनलाल शर्मा व्यापार क्षेत्रातील वर्तमान व भविष्याचा वेध संदर्भात संवाद साधत मनमोकळी चर्चा करणार आहेत. यावेळी खासदार धैर्यशील माने, आमदार प्रकाश आवाडे, भाजपा प्रदेश उपाध्यक्ष सुरेशराव हाळवणकर यांच्यासह मान्यवर उपस्थित राहणार आहेत, अशी माहिती मेळाव्याचे संयोजक भाजपा शहर अध्यक्ष पै. अमृत भोसले, संजय गांधी निराधार योजना अध्यक्ष अनिल डाळया व अरविंद शर्मा, सुरेंद्र राजपुरोहित यांनी दिली. या मेळाव्यास व्यापारी बंधूनी उपस्थित रहावे असे आवाहनही त्यांनी केले आहे.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
